大台新劇塑造超離地公關 網民:似富二代多啲

Fri Oct 21 2016 18:49:16 GMT+0800 (中國標準時間)

撰文︰Take it e時

近年成日聽到有人講「公關災難」,其實係指公關(PR)做咗一啲差嘅宣傳而引發一連串反效果。嚟緊無綫新劇《幕後玩家》就係以公關做題材,未知劇情會唔會講到公關災難,但好肯定嘅係佢哋嘅宣傳影片,成功引發出公關災難,事關宣傳片中,角色形象似足「暴發戶」,個個揸靚車、勁有米、萬千女伴在身邊,難怪有業內人士批評,TVB製造錯誤公關形象。

▲廣告狂人於網上批評《幕後玩家》嘅宣傳片。

▲如果蕭正楠冇講嘢,真係唔知身份只係公關。

FB專頁「廣告狂人」質問TVB究竟以邊個地方嘅公關行業作為藍本,更列出5大重點,直指TVB製造錯誤公關形象,例如片中蕭正楠又著名牌又揸林寶堅尼,作風勁高調,但現實中一個普通PR未必養得起幾百萬嘅名車,更有網民揶揄「公關已經揸林寶,咁做客咪揸穿梭機?」;

▲黃宗澤撞跌侍應隻杯,然後頭也不回咁將啲錢拋到地下,霸氣。

而且蕭正楠落車時,更勁大牌咁將條車匙拋俾後面嘅車僮執、黃宗澤打爛個杯都俾幾錢蚊賠償,仲要係就咁拋,唔係遞到面前,一副有錢就係大晒嘅形象,咁冇禮貌兼咁大牌,但廣告狂人表示,其實真正PR「先係代個客泊車、喺後面恭恭敬敬嗰個。」,事關公關係負責對外事務,點會咁大牌呀?

▲張繼聰喺宣傳片中喺lift內錫女。

片中角色以男性為重,任何女性都係睇佢哋頭,女性公關則做花瓶角色,但現時香港情況,業內係女多男少,而且不乏出色女性公關,廣告狂人更指出,「即使搬搬抬抬,一眾女士都可以一手包辦!」

▲幕後玩家?真人玩家咋?

其實宣傳片最大問題,係將公關形象塑造到只係吃喝玩樂嘅「暴發戶」,未能反映出一般公關喺工作上嘅辛酸,有網民更直言片中角色形象似「倫敦金」、「富二代」多過「公關」,難怪網民話:「果CCTVB識關公,就唔係TVB啦!」

來源:廣告狂人

#幕後玩家#公關#關公#男公關#二世祖#倫敦金#富二代#蕭正楠#黃宗澤#張繼聰#TakeItE時#熱話

相關文章
為撼「女配」勁敵王君馨 龔嘉欣公司狂拉票
終極爆結局 《致命》《幕後》死得人多
怒轟《幕後》誤導觀眾 關懷愛滋組織:唔好污名化感染者
陸永劇集跳樓慘死 囡囡有冇睇到喊?
無綫新一代慳妹 「炒散王」鄧佩儀小食當一餐

推介文章
古天樂陳豪有勁敵 猜Fing講國語冇句聽得明
《溏心3》搞笑!Bosco細31年做司棋姐細佬
網民同推做視帝 王浩信馬明你揀邊個
大人細路爭住玩室內賽車場
【日本賞楓新角度】 鳥取坐滑雪吊車睇秋色
3招健胸操
【撐小店】希望在明天
鄭丹瑞寸麥美恩:麥明詩十優,你久休!
【孖你做瑜伽】 中級雙人背部伸展
【孖你做瑜伽】 搵個partner幫你輕鬆拉筋
【跟住爸爸食燕窩】唔使一嚿水 燕窩食滿咀
最叻星二代 倫子譚曉風攬女示眾
按此閱讀臉書精彩內容

熱爆e+up


載入中…
x