大埔超貼心醫生 市民激讚:能用「醫者父母心」形容

Wed Jul 26 2017 12:17:49 GMT+0800 (中國標準時間)

撰文︰Take it e時

通常睇醫生,都係等嘅時間仲耐過診症,去一啲連鎖醫務所,可能睇2-3分鐘就搞點,真係快到不得了,但呢個情況究竟係正常?定係我哋已經慣咗呢?最近有網友分享去睇病經歷,形容呢位醫生「完全唔計成本效益」醫人,更指對方「有醫德到痴線」。

▲睇醫生只為拎張病假紙。

是咁的,事主日前唔舒服,發燒加喉嚨痛,打算睇醫生拎張病假紙,於是用公司醫療卡去網內附近診所處理。事主表示,一般醫生見到病人拎醫療卡,診病時大多數都係「HEA咗佢就算」,但事主去嘅呢間診所,入面嘅醫生唔止唔HEA,仲對病人超級貼心。平均睇病至少10分鐘,指醫生會了解下病人平日生活狀況,工作環境如何、用咩交通工具返放工,正式檢查時又會講解究竟發生咩事,仲會教返你點睇病症㖭!

▲事主只係諗住拎假紙,點知遇到個咁好嘅醫生。

除此之外,事主表示,醫生又俾煲湯藥方佢教佢煲湯,又叮囑平日搭車記得戴口罩,更貼心嘅係,等拎藥時醫生仲俾啲醫療書佢睇,叫佢好好注意同調理身體㖭!

姑娘叫我名我以為拎藥,點知佢隊左兩本書比我,話醫生寫左張紙仔,叫我用手機影低相關頁數返去慢慢睇,好好注意同調理身體。

▲大埔市民都齊讚林醫生超好。

醫生種種貼心行為令事主愕然,覺得對方真係「有醫德到痴線」,又指平日睇 3分鐘醫生覺得「慣性兼正常」,但其實「唔正常嘅係我哋先啱」。唔少網民都讚呢位醫生有醫德,而睇開呢位醫生嘅市民表示,佢一向都好細心,好好人,係少數能夠用「醫者父母心」形容嘅好醫生。

大家睇3分鐘醫生睇到覺得係慣性同埋正常,去睇返D正常既醫生就覺得好唔正常,其實唔正常既係我地先岩。

來源:Tai Po 大埔

#大埔#醫生#病假#林偉樑#醫德#e分鐘

相關文章
輪椅狗狗生命倒數 大埔街坊祝福:你已經好叻
木棉飛絮似雪花 大埔友:飄到周圍都係,呼吸困難
出PO澄清冇打擾羅蘭姐 家長:當時囡囡係讓座俾佢
勁猛鬼自殺勝地? 大埔「消失的泳池」恐怖傳聞
點估到會遇𠝹褲黨 事主:原來佢哋真係好犀利

推介文章
最叻星二代 倫子譚曉風攬女示眾
活在當下 曹永廉
買靜安區5千萬豪宅 城城跟妻女移居上海
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
我們的時光 Twins
按此閱讀臉書精彩內容

熱爆e+up


載入中…
x