大富翁版圖席位爭崩頭 馬鞍山大埔激戰到開外掛

Wed Jan 27 2016 15:30:00 GMT+0800 (中國標準時間)

撰文︰Take it e時

大富翁日前舉行「大富翁香港版圖全城熱選投票」,俾市民投票俾心水嘅香港地區,最高票數嘅22個地區將會列入「新香港版」大富翁棋盤。不過,呢次投票居然意外咁觸發咗一場大戰!

▲大埔同馬鞍山爭持非常激烈。

大戰發生喺新界區嘅大埔同馬鞍山,因為兩個地方都從未出現過喺舊版大富翁,而且佢哋票數由初段已經領先,所以兩區居民都好希望自己嘅地區拎到第一。因為投票可以重複咁投,所以大家都不斷咁瘋狂投票,亦喺各自嘅網上地區群組呼籲人投票。

▲為贏得投票,有人竟然整咗個外掛出嚟。

表面嚟睇,大埔區嘅群組人數多馬鞍山幾萬,贏面似乎高啲。所以可能因為咁,尋日就有人喺馬鞍山群組放出外掛程式,等人可以唔使手動咁快速投票。大埔居民即刻表示唔公平,話要發起檢舉;有馬鞍山居民則指對方都有用。有見大家爭勝之心咁激烈,大富翁今日都要喺專頁出圖,叫大家要玩得有體育精神。

▲大富翁都要出嚟叫大家玩得有體育精神。

▲嚟緊一定又會有大戰。

其實第一輪投票,只要排喺頭22名都可以入選,實在唔需要咁辛苦。反而第二輪投票,係要幫入選地區爭版圖上面最貴嘅兩個藍色地段,相信到時又會掀起一場腥風血雨喇。

▲大埔群組知道有人用外掛,紛紛表示不公平。

▲馬鞍山群組反指大埔亦有人使用外掛。

▲都有網友勸喻馬鞍山人唔好用外掛。

▲馬鞍山居民瘋狂投票,力戰人多勢眾嘅大埔。

▲大埔群組日前多次呼籲人投票。

▲大富翁專頁嘅呼籲,hashtag甚為有趣。

▲經大富翁官方及傳媒報導後,發布外掛者出聲明,並將外掛移除。


#大富翁#馬鞍山#大埔#外掛#香港#選舉#熱話#TakeItE時

相關文章
亂紮營垃圾留滿地 冇公德心露營友又出沒
【頂上對決】馬鞍山係美食沙漠? 網民:問過日出康城未?
大埔網絡「實況劇」 《千里尋phone流浪記》
【很想要吧?】「美食沙漠」馬鞍山 居民為虛幻嘅吉野家瘋狂
賊仔開始做嘢? 屋村門外驚現奇怪記號

推介文章
最叻星二代 倫子譚曉風攬女示眾
活在當下 曹永廉
買靜安區5千萬豪宅 城城跟妻女移居上海
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar