大熱兔公仔殺入香港 新加坡愛協:係用真皮毛

Thu Nov 03 2016 16:45:00 GMT+0800 (中國標準時間)

撰文︰Take it e時

毛公仔得人鍾意,但如果個公仔係用真動物皮毛做,你又會唔會買?尋日有網民上載照片,指喺旺角發現有攤檔販賣兔公仔,上前摸過之後覺得係用真兔毛嚟整,於是呼籲人唔好買。事件即刻引發網民討論:究竟啲公仔係用真兔毛定係假毛?

▲網民分享街上遇到兔公仔攤檔嘅經歷。

其實同款嘅兔公仔近年喺唔同地區都開始流行,中國販賣嘅更會強調係用真嘅獺兔皮草嚟製作;而新加坡嘅愛護動物協會七月時就曾經拎咗同款公仔去化驗,測試結果亦表明兔公仔「不幸地係用真嘅動物皮毛」。

▲淘寶上售賣嘅兔公仔強調係用真皮毛。

究竟香港攤檔賣嘅兔公仔係咪用真動物皮毛製作,實在難以判斷。但都係嗰句,如果你唔支持皮草,任何唔肯定皮毛來源嘅製品,盡量都係唔好買啦!而如果想判斷係咪真毛,都可以從觸感、外觀測試去辨識,咁就唔驚買錯啦。

▲香港嘅攤檔,賣緊嘅公仔又係咪用真毛呢?

▲最近呢款兔公仔因為造型可愛,喺中日韓都開始流行。

▲「兔公仔可能係用真毛整」令唔少人覺得震驚。

▲公仔到底係用真毛定假毛,網民展開唔同討論。

▲新加坡愛協早前化驗同款兔公仔,發現係用真嘅動物皮毛嚟做。

▲愛協七月時喺測試後嘅發文。

▲兔毛嘅取得方法通常都係生剝,經常被批評為殘忍、不人道。

▲如果唔確定皮毛來源,點都係唔買最好!

一齊學下點分真毛定假毛啦~


圖片來源:SPCA

#兔公仔#真毛#愛護動物#皮草#熱話#TakeItE時#影片

相關文章
請把毛皮還給牠
元朗殺狗剝皮疑雲 網民:希望唔好係真
大媽擺尿上台 食客:我睇住你個仔痾!
偽AV女參加G-1格鬥 俾人打到瞓低喊住入院
佗超旺慈姑椗四個月 甘比身家破600億

推介文章
最叻星二代 倫子譚曉風攬女示眾
活在當下 曹永廉
買靜安區5千萬豪宅 城城跟妻女移居上海
西關大少李家鼎 教你中式餐桌禮儀