大逆轉成為票王 「巴基之星」朱凱迪神奇之旅

Mon Sep 05 2016 18:31:31 GMT+0800 (中國標準時間)

撰文︰Take it e時

5年前,朱凱迪參選區議會八鄉北,但遺憾只取得283票,其餘兩位候選人皆有過千票。5年後,朱凱迪喺立法會選舉,以8.4萬票當選新界西立法會議員,更成為全港票王,5年轉變,差距甚大。事實選擇前兩個月,朱凱迪支持率只有2.1%,當時冇人相信佢會成功,佢自己亦承認民調落後,但憑住凌厲後勁節節趕上,9月初朱凱迪民調已上升至12%,新界西支持度排第3,究竟冇任何大水喉照住嘅朱凱迪靠乜嘢一舉成名,成為香港票王?

務實作風

冇任何政黨背景嘅朱凱迪,政綱以民生為主,致力為農村居民發聲,關注民生議題,其樸素形像深入民心。選舉期間更選擇踩單車方式四處宣傳,5年前選區議會時已經如是,挑戰立法會仍然如是,一貫務實作風,或者呢種貼地風格深得市民認同。

▲朱凱迪選舉工程用嘅資金亦只有20萬,比一眾團體少之有少。

不畏強權

一直為農民發聲嘅朱凱迪,過去多次參與社會保育活動,如新界東北發展抗爭,桃戰由「官商鄉黑」勾結而成嘅強大嘅鄉紳霸權,又曾力阻高鐵發展,幫農民保衛菜園村,但因此惹來跟蹤甚至被「官商鄉黑」威嚇、抹黑,骨瘦如柴嘅朱凱迪依然不畏強權,直斥其非,正正呢種勇於捍衛弱勢、關注重心議題不離草根民生福祉,贏得選民支持。

▲朱凱迪一直企於前線抗爭,不只於叫口號咁簡單。

前線抗爭

朱凱迪過去10年參加多場保育抗爭,06年保留舊中環天星碼頭事件,朱凱迪絕食抗議;其後皇后碼頭事件,佢提出司法覆核;11年成立菜園村關注小組,堅持不遷不拆菜園村,即使未能成功亦為菜園村村民覓地重建菜園村,直到近期闖進泥頭山剷泥、攀上地盤天秤反高鐵,朱凱迪一直以嚟走上前線抗爭,冒著被捕嘅風險採取示威行動,就連小市區對抗領展迫遷都親力親為,正正呢份勇武令市民冠以「真‧勇武」之稱。

▲朱凱迪呢幾年來,一直與菜園村村民風雨同路。

▲朱凱迪高票當選,佢自己都估唔到。

朱凱迪未必係最好包裝嘅一個,甚至俾人話係「左膠」一名,但朱凱迪依然堅守信念,憑住對民生嘅關注同務實作風,贏得選民信任支持,難怪早前有傳媒訪問時,都形容佢係當日賽馬落後甚遠但憑後勁贏得冠軍嘅「巴基之星」。

圖片來源:八鄉朱凱廸 Chu Hoi Dick

#朱凱廸#八鄉#立法會#新界西#票王#選舉#TakeItE時#熱話

相關文章
四被告獲准保釋 朱凱廸被跟蹤案押後下月再審
朱凱廸批評政府 摸底不等同諮詢
以後唔玩螢光棒 議員齊撐紙燈籠
票王朱凱廸 當選爆喊 掛念太太女兒
【區選直擊】搶鏡助選狗

推介文章
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
我們的時光 Twins
狠飛太極Ricky 戴夢夢澳門攬佬
舌戰7女星談情說性 黃浩被阿嬌KO
一個人  湯寶如
按此閱讀臉書精彩內容

熱爆e+up


載入中…
x