女粉絲患癌 周董化身暖男安慰:我來這裡幫你加油

Fri Feb 24 2017 17:21:38 GMT+0800 (中國標準時間)

撰文︰Take it e時

同一句說話,由唔同人把口講出嚟,效果都唔一樣,就好似一句「加油」,由偶像口中講出嚟,威力係比普通人勁十倍以上。最近台灣有位媽媽喺周杰倫透露,其一直支持周董嘅囡囡患有子宮內膜癌,因此希望周董可以抽少少時間,親自到愛女臉書留言加油打氣,結果周董真係回應留言!

▲女粉絲嘅媽媽冒昧喺周杰倫專頁留言。

粉絲嘅媽媽透露,佢27歲嘅囡囡由中學已經係周董嘅歌迷,每次演唱會都一定去足,但最近竟然罹患子宮內膜癌,星期五(24號)就要摘除子宮同卵巢,之後仲要熬過辛苦嘅化療過程,其後得知周杰倫即將舉行演唱會,佢嘅心願就係要順利睇到Jay嘅演出。於是佢媽媽就冒昧喺周杰倫專頁留言:

我知道周先生相當忙碌,但不知是否能請你幫個忙,可否到我女兒的臉書,留言幫她加油打氣,相信偶像的加持,她一定會平安無事的,麻煩你了。

最後,周董真係回覆咗對方。

我來這裡幫你加油打氣,相信你不會缺席我的演唱會的,要加油喔,雖然我還不知道我台北演唱會到底什麼時候哈哈,記得為自己也為媽媽加油喔!

▲周董真係有留意動態㗎。

▲名副其實嘅暖男。

雖然少少一句,但已經令粉絲相當開心。其實周董都唔係第一次答應網上嘅粉絲,有網友通過臉書給周杰倫留言,稱佢哥哥非常喜歡周杰倫,但因為患上肺部疾病,希望周杰倫可以為佢加油,當時周杰倫同樣留言向對方打氣。

▲周杰倫講得出做得到。

早前周董喺香港開演唱會,喺問答環節時,得知有歌迷一直追隨自己16年,更分享自己追嘅唔係星而係態度,周董因為呢句深深感動,於是台上留下一句:「等一下我唱完請你吃飯」。最後佢真係相約粉絲食飯,仲將合照post上網㖭!

▲隻狗仔得到周杰倫寵愛。

又好似再早幾年咁,有位網友放狗時遇到周董,作為周董歌迷,見到偶像當然要selfie一下,但好唔好彩電話竟然冇電,仲好尷尬咁話:「我回去拿ipad,等我!」點知周董冇反感之餘,仲話:「好~狗我幫你遛,你去拿~!」喜出望外嘅粉絲飛奔回家再回合,如願同周董合照。

所以話,周董咁多人鍾意,唔止因為才華,仲有佢點樣對待粉絲!讚呀!


#周杰倫#暖男#歌迷#粉絲#患癌#加油#打氣#e分鐘

相關文章
識唱作歌者為「俊杰」 周杰倫林俊傑你會揀邊個?
周杰倫、林俊傑世紀合體 「雙J」邊彈邊唱《算什麼男人》
有求必應為粉絲出頭 親民歌手點止周杰倫
廣東話準過我同你 周杰倫紅館騷唱《一生中最愛》
打贏「地表最強」周杰倫 金希澈係LOL鑽石級高手

推介文章
人緣好 兄弟多 林子善結婚多人撐
【e分鐘投票】假如你有票… 都市人心見中的特首
狠飛吳彥祖「空心」表哥 陳雅倫夜會富豪
電影不能缺少的男配角 林雪:老竇叫我拍戲先有今日
何雁詩入行8年 「父母冇諗過我仲生存緊」
同B拍戲母性大發 44歲Sammi練盆骨操造人
免電隨身咖啡機
宅男女神大戰 簡淑兒硬撼江嘉敏
東京拍飲食旅遊節目 連詩雅獲黃浩大讚
同爸爸十年冇見 林作:佢有另一頭住家
有牛有高潮! 黃浩帶連詩雅日本食靚牛
養生清涼 松茸椰青雞鍋
按此閱讀臉書精彩內容

熱爆e+up


載入中…
x