【好人好事】捉賊「幫理不幫親」 南亞正義男:男人要挺身而出

Tue Jul 05 2016 10:45:32 GMT+0800 (中國標準時間)

撰文︰Take it e時

早幾日旺角報販「睡婆婆」被南亞賊打傷兼搶劫3萬5蚊血汗錢,日前土瓜灣亦發生3名南亞賊搶劫菲律賓籍找換店女東主,事件喚起港人對南亞人士關注,不少市民怒轟南亞賊冇人性,但其實邊類人都好,都有好壞之分嘅,就好似找換店女東主被搶劫一事,有份幫手捉賊嘅係一位南亞人士。

▲與賊人同為南亞人士,但Steven幫理不幫親。

呢位南亞人士係薄餅店東主叫Steven,屬於巴基斯坦籍,兩個月前喺案發地點附近開業,因為聽到女東主嗌救命所以上前幫手。講得一口流利廣東話嘅Steven慨嘆喺呢度10幾年都未遇過呢啲事,唔知點解香港會變成咁。佢又促警方必須改善附近治安,加強巡邏,但最為人欣賞嘅係Steven嘅見義勇為。

我最擔心呢啲嘢,我又有仔女喺度,搞咗呢啲嘢(搶劫)出嚟,我係男人嚟嘅,聽到個女人嗌救命,我好難話唔過去幫手!

▲當人人都唔敢跳落臭河,惟獨barbar奮不顧身,呢點已經值得比掌聲!

好人好事又點只一宗?6月頭個陣,一位巴基斯坦籍嘅24歲青年BarBar,就跳落出名好臭嘅臭河勇救因失戀而自殺嘅洋漢,仲因為咁而整濕咗自己部電話㖭,但能夠救返一條人命令佢好開心。被問到點解可以奮不顧身救人,佢話:

見到人緊係救啦,生命嚟㗎,唔係垃圾。佢話佢失戀,我安慰佢:『女人?無咗咪無咗囉!再搵過,自己寶貴生命,無謂咁嘥咗吖!你阿爸阿媽都唔開心,最緊要珍惜自己生命。』

喺香港土生土長嘅BarBar出生窮困,但並冇因為咁而自怨自艾,樂觀嘅佢表示能夠幫到人就幫,唔好行差踏錯就得。

▲唔好一竹篙打死一船人,無論咩人都好,都有好壞之分嘅。

唔少南亞人士都係出生窮困,所以先會一時貪念而行差踏錯,不過都唔係個個都係咁,好似3年前一位中四嘅南亞學生喺街上執到一個塞滿3萬蚊嘅銀包,入面足足係佢一家兩個月嘅生活費,但佢冇據為己有,更原封不動交俾訓導主任,再交去警署,物歸原主。


#南亞人士#巴基斯坦#救人#捉賊#見義勇為#幫理不幫親#TakeItE時#熱話

相關文章
所有血型達至警戒水平 群星叫你捐血救人
港鐵遇上偷拍狂? 韋家雄護花:做應該做嘅事
勸人莫吸煙都出事 見義勇為青年慘被屈「非禮」
中大古惑汽水機 瘋狂跌兩蚊銀化身「推幣器」
衝門阻閂閘賴死唔走? 港鐵阿叔:你落車行路吖!

推介文章
最叻星二代 倫子譚曉風攬女示眾
活在當下 曹永廉
買靜安區5千萬豪宅 城城跟妻女移居上海
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
我們的時光 Twins
按此閱讀臉書精彩內容

熱爆e+up


載入中…
x