婉拒內地節目天價邀請 陳慧琳:怕冇時間陪阿仔做功課

Fri Jan 13 2017 19:54:13 GMT+0800 (中國標準時間)

撰文︰Take it e時

近年唔少歌手藝人北上搵銀,就連講過唔會參加大陸唱歌比賽嘅張敬軒都向人民幣低頭,難怪網民話佢忘本,唔記得自己講過嘅嘢。有人想搵多啲銀,但都有人嫌錢腥,但正確啲嘅講法,係有啲嘢比搵銀更重要,好似天后陳慧琳咁,寧願教個仔做功課,都唔願北上參加唱歌比賽,網民當然讚爆呢位「敢言」歌手。

▲不愧為天后,講句嘢都霸氣過人。

最近陳慧琳出席品牌活動,被問及點睇歌手參加大陸歌唱節目惹非議,佢就自爆曾經獲類似嘅節目邀做評判,一集一小時節目嘅身價高達一層樓!陳慧琳參加嘅話真係變富婆(雖然佢本身都有家底),但佢就好霸氣咁回答:

唔參加啦,被人鬧到咁,又要經常飛返內地很慘,我怕冇時間陪阿仔做功課!而且我講說話唔叻又不識鬧人,做唔到魔鬼評判,所以不太適合。參加歌唱比賽壓力太大,飈高音唱歌會喉嚨痛,好傷!我寧願做商演。

▲陳慧琳果然快人快語。

其實入行以嚟陳慧琳,予人感覺都係直腸直肚,快人快語,非常敢言。例如2002年佢首度奪得《勁歌》「亞太區最受歡迎女歌手」,就口快快咁話:

我無諗過咁快攞到。太快,真係快到嘔,快到唔知上台多謝邊個 好!自己都R晒頭。

▲當年林峰俾網民圍插佢冇資格。

不過近年《勁歌》嘅公信力差咗好多,漸漸變成TVB內部頒獎俾自己歌手,例如林峰嘅CHOK金曲金獎,又拎到「亞太區最受歡迎男歌手」,結果全城圍插,唔少歌手因而怕咗拎「亞太區」獎。2013年嗰陣,佢就咁講:

個個都驚呢個獎,搞到大家咁尷尬,不如Cut咗佢,唔使夾硬頒。

而當記者問佢有冇睇《勁歌》,佢又好直接咁講:

冇睇,唔為意尋日舉行,冇開電視,忘記咗,今日睇報紙先知。

▲方丈份人好小氣,但kelly好少理。

仲記得6年前,TVB同四大唱片公司鬧不和,搞到好多歌手冇得參加頒獎禮,當時有記者問Kelly覺唔覺得賽果係咪實至名歸?佢就話:

唔覺得太過實至名歸囉,絕對應該取消傳媒大獎,好多歌手冇參加,係唔公平。

呢位大家姐,一個字:「勇」!

圖片來源:陳慧琳

#陳慧琳#kelly#天后#湊仔#銀#天價#大陸#歌唱節目#TakeItE時#熱話

相關文章
e衫評 陳慧琳揀錯鞋 馮盈盈橙得好
e衫評 陳慧琳着「避雨裝」 劉嘉玲太成熟
e衫評 陳慧琳失手 鄧麗欣唔掂
舊愛男神俾面現身 鄭中基演唱會碌盡人情請嘉賓
e衫評 陳慧琳襯到絕 彭于晏夠fun

推介文章
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
我們的時光 Twins
狠飛太極Ricky 戴夢夢澳門攬佬
舌戰7女星談情說性 黃浩被阿嬌KO
一個人  湯寶如
按此閱讀臉書精彩內容

熱爆e+up


載入中…
x