婚後首曝光 楊怡晒鑽戒 羅仲謙:希望我太太好似公主咁出嫁

Sun Mar 27 2016 16:00:00 GMT+0800 (中國標準時間)

撰文︰Take it e時

拍拖四年嘅楊怡同埋羅仲謙秘密結婚,仲喺英國古堡影婚紗相,真係完全令人估唔到。而且唔單止粉絲唔知道,原來連老友陳敏之,甚至連經理人公司事前都完全唔知情㖭。俾完咁大個驚喜俾大家,今日齊齊返香港嘅佢哋有咩同大家講呢?

▲結完婚返香港,楊怡笑容滿臉,羅仲謙就好似好攰咁。

楊怡同羅仲謙原定兩點半落機嘅,一眾記者早已經喺機場守侯。直至三點半佢哋終於手拖手現身,楊怡除咗戴住又大又閃嘅婚戒,笑容亦都非常燦爛。記者見到佢兩個咁sweet,梗係即刻追問結婚旅行嘅細節啦。

原來佢哋嘅歐洲之行一早就計劃好,希望可以喺好靚嘅地方留下完美回憶。至於點解揀古堡影婚紗相?羅仲謙就話:「鍾意古典嘢,希望太太好似公主咁出嫁」,楊怡憶述旅行細節都讚不絕口:「天氣好好,嗰邊又有屋企人……係完美既回憶」

▲結婚咁秘密,一定要答下問題解答大家嘅疑問。

對於兩人秘密結婚,楊怡表示冇刻意守秘密:「我哋只不過係好低調去處理……(旅行結婚)亦都係願者上釣,唔想驚動太多屋企人」當記者問楊怡係咪大肚,佢反應好大:「我今日條腰得22吋咋!」咁會唔會快啲生B?楊怡諗都唔使諗話:「唔係掛,咁快?未有咁快,其實唔係好急啫」羅仲謙即刻補充:「太太都唔急,我急咩呢」

對於羅太呢個稱呼,楊怡話:「唔習慣叫羅太,唔好咁嗌我」至於求婚嘅細節,佢就表示:「俾啲神秘感,留少少浪漫俾我哋啦」。最後羅仲謙就指佢哋兩個嚟緊會喺香港擺酒,到時再同大家分享細節,雖然未定時間,但大家要密切留意喇!

▲起哄下羅仲謙錫太太額頭。

▲雖然只係錫額頭,楊怡都笑得好開心~

▲兩個手拖手離開,好sweet呀!

▲楊怡戴住嘅戒指又大又閃。被問到幾多卡,佢就話:「幾多卡唔重要,最緊要係心(意)㗎啫!」


#楊怡#羅仲謙#結婚#回港#古堡#秘密#旅行#公主#擺酒#大肚#鑽戒#TakeItE時#即時#推介

相關文章
咪神陳婉衡似邊個?
激似楊怡、城嫂 咪神陳婉衡「變臉」
e衫評 吳千語不倫不類 佘詩曼勝在有喇叭
回到未紅時 嫩口黃宗澤馬國明拍過《創世紀》
謙謙結婚扮公仔 搞喊楊怡只需¥268

推介文章
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
我們的時光 Twins
狠飛太極Ricky 戴夢夢澳門攬佬
舌戰7女星談情說性 黃浩被阿嬌KO
一個人  湯寶如
按此閱讀臉書精彩內容

熱爆e+up


載入中…
x