孕婦手袋霸位俾下站老公 網友怒斥:乜火車有得Book位?

Thu Jan 05 2017 11:51:06 GMT+0800 (中國標準時間)

撰文︰Take it e時

唔少人搭車時候見人唔多,會將個袋放喺隔離座位,開始多人嘅時候好自然拎番起俾其他人坐,但原來唔係人人都識咁諗。有位市民喺網上大呻搭港鐵遇上「生人霸死地」嘅乘客,對方指稱個位係留俾老公坐而拒讓放咗手袋嘅座位,期間仲疑似怒啤事主,令事主覺得好無辜,直斥:「我都有俾足錢㗎!」

▲孕婦原來係想留位俾下一站上車嘅老公。

是咁的,呢位市民搭東鐵,見人多打算俾貴少少坐頭等,打算坐喺呢位大肚嘅女士身旁,但旁邊就放咗手袋,照效對方會自覺拎起個袋,點知對方一手撳住,仲話:「有人呀」。事主以為聽錯,望下周圍都冇人準備行埋黎坐,事主表示唔係非呢個位唔坐,最後揀坐對面,但事主形容對方一直用好討厭嘅眼神望住佢,期間更有位阿嬸想坐都俾佢用眼神「啤走」,直到有個男人上車坐佢隔離,謎底終於解開,原來個位係霸俾佢老公嘅!

▲ 先到先得 vs 人情

事主當然嬲啦,話自己都有俾足錢,唔明點解對方可以俾一個人錢霸兩個位。網民都直斥呢位拒讓座嘅大肚婆,「大肚唔係大晒」、「自私精」、「以為茶樓可以霸位」、「乜火車有得Book位?」。有部份網民持相反意見,認為對方只係想同家人坐方便照顧,情有可願,但被反駁:「公車位係先到先得,冇得話霸住」。

▲相信好多人同事主一樣唔介意讓坐,但唔好老奉。

事主有表示,讓對方唔係問題,但實在唔明點解要咁嘅態度。其實想一齊坐都唔係難事,或者大肚婆主動問一聲可唔可讓位俾佢老公坐方便照顧,乘客見大肚婆都會體諒而調位,咁就唔使搞到依家俾人公審啦!

圖片來源:YuenYee Li

#大肚婆#孕婿#讓坐#霸位#生人霸死地#拒讓#e分鐘
相關文章
食少少都出事 大肚婆食魚生感染李斯特菌
【晒大肚靚相】宣布一索得男 陳敏之懷孕四個幾月
大住個肚唔好亂郁? 孕婦照玩舉重、側手翻
單挑「泊車」三師奶 有禮男:人肉霸位唔啱㗎
結婚週年向老公示愛 吳雨霏:遇見你我生命不再一樣
推介文章
開心快活人
劉華墮馬盆骨重創 朱麗倩緊張爆喊
【密密食小隊】 足料爆餡大水餃 兩小時刺身火鍋放題
愛老婆會發達
【跟住爸爸去福島】下世要做豬
獨家 王菲霆鋒秘密愛巢曝光
殺出個未來 朱咪咪
唐詩詠痴心錯付 洪永城冧理財女神10年
用愛關懷流浪動物 以暫養為貓狗建立溫暖家庭
有愛就有幸福 四隻開心貓咪的故事
最新郵輪海上zip line 飛越汪洋
台北私家露天溫泉 浸獨家原湯
按此閱讀臉書精彩內容

熱爆e+up


載入中…