孖瑜珈教室 瑜伽墊

Tue May 08 2018 18:30:40 GMT+0800 (中國標準時間)

撰文︰孖瑜珈

對練瑜伽嘅人嚟講,揀瑜伽墊就好似揀老公咁,左諗右諗,左揀右揀!點解揀岩一張好嘅,岩自己嘅瑜伽咁重要呢?今次就同你細數原因。

首要原因,當然係關乎衛生喇!你試諗下上堂用嘅瑜伽墊,幫幾多個學生接過幾多嘅汗水、腳氣、死皮、指甲碎…..雖則每節課堂完結後都會抹一抹,消毒一下張瑜伽墊,但都未必可以徹底消毒。如果每次去練習瑜伽,帶自己專屬嘅瑜伽墊,不單可以避免細菌交叉感染,自己嘅瑜伽墊仲令你練習嘅時間舒服啲,練都練得開心啲喇!

瑜伽墊具有最重要嘅保護作用,一張好嘅瑜伽墊有防滑功能,對練習者嚟講有一定嘅保護作用,令練習者冇咁容易受傷,保護脊椎膝蓋等關節,仲有保暖作用㗎!

揀瑜伽墊嘅方式不外乎兩種:依個人需要選擇;或按材料去揀。以個人需求嚟講,要視乎你練嘅瑜伽係邊一種形式,因為唔同派別嘅瑜伽,學習重點唔同,你嘅需求都會唔一樣。如果你學嘅係以柔軟度訓練為主嘅瑜伽,大部份時間都係坐喺張墊上面,咁你就要一張厚啲、軟啲,坐得比較舒服啲瑜伽墊。但如果你學嘅瑜伽係比較力量型為主嘅Power Yoga或Ashtanga Yoga,墊就唔可以太硬,防滑性嘅要求更高啲。點解呢?因為墊如果太軟,企喺上面做好多動作會失平衡(例如樹式等平衡類嘅動作最)。而依種會大量流汗嘅瑜伽,如果冇一張防滑度好啲嘅瑜伽墊,就會好易跣手跣腳,趴喺到。

我地兩個當然唔只擁有一張瑜伽墊咁少喇!我地兩個都偏向多練習力量型嘅瑜伽,上堂時流汗都比較多,所以一張防滑嘅瑜伽墊就最適合我地!嚟自Reckless Red-OM 嘅瑜伽就係我地其中最愛瑜伽墊之一!佢地出品嘅瑜伽墊係環保瑜伽墊 ,100%天然橡膠樹脂製造,有防滑微麂皮絨技術。超細纖維頂層光滑,吸水性非常好。有超強抓地力。當你出汗時撐住你,減少滑倒,受傷嘅機會。


雖然話瑜伽墊好最要,但係關注瑜伽墊嘅同時,要記住瑜伽墊係我地練習瑜伽嘅輔助工具,但唔代表冇瑜伽墊就練唔到瑜伽。瑜伽,本來就係生活嘅一部分,好似我地兩姊妹咁,去到邊拉到邊!就算你平時深呼吸,合埋眼睛思考都叫做緊瑜伽㗎喇!

所以唔好用冇瑜伽墊嚟做籍口唔練習!


#美食旅客#時尚#健康#專欄

相關文章
觀塘黑白紅皺皮腸粉 點樣配搭都咁正!
去中環搭上豪華列車 嘆杯冰涼日式Highball
Let's Party 全球首個Be a Convivialist開動以cocktails會友
最後2天! 免費朝聖YSL限定店 有得玩有得試新妝
豬年愛健康 加拿大西洋參應該點揀? 

推介文章
【自爆隨時嫁得】扁嘴打電話 泳兒搵唔到男友?
公司由創業板轉主板 黎姿:好掛住演戲 回顧愛美神經典作品
陳凱琳囝囝Rafael好可愛 鄭嘉穎:自己個BB最得意
【忽傳婚變】吳若希:唔妥老公好耐 老公Alex愁爆扯煙?
【靚衫X香水】名模陳嘉容:美麗係色香味俱全
【曾當街激咀剝裙】34歲戴夢夢拍拖變低調 情人節前夕出街唔帶Ricky
【超級筍盤】家族身家過百億 馬桂烽買新衫孖黃心美過情人節
豬年愛健康 加拿大西洋參應該點揀? 
【結婚18年】 呂良偉拖太太買新年禮物 好有熱戀Feel
【糖冬瓜食到厭?】跟莊端兒整賀年桔仔馬卡龍
周柏豪似大細路 老婆做跟得夫人陪整頭
【麥玲玲2019豬年財運攻略】豬蛇猴虎小心投資 屋中間放水種植物利財運
按此閱讀臉書精彩內容

熱爆e+up


載入中…
x