寄語鄭中基唔好放棄音樂 阿澤:佢肯再唱會令好多人開心

Wed Feb 01 2017 16:00:46 GMT+0800 (中國標準時間)

撰文︰Take it e時

杜汶澤同鄭中基老友鬼鬼,早排Ronald更邀請阿澤去自己演唱會擔任嘉賓,合唱過後仲獲對方示愛:「我愛你。」但阿澤就即時潑冷水:「我麻麻哋﹗」不過,阿澤其實都係口不對心嘅人,又點會真係唔愛「暴龍哥」?尋晚佢喺Fb有深而發,寫咗啲嘢送俾Ronald,讚對方「份人夠真」之餘,亦欣賞對方嘅音樂才華,更鼓勵:「你肯繼續唱就夠!」

▲杜汶澤少有感性寫長文。

他做得最好的就是唱歌

阿澤喺文中講到「他(鄭中基)當年為什麼沒有再唱歌」。3年前,鄭中基都喺金馬獎頒獎禮上講過,因為自己當年成日醉酒生事,經常闖禍,所以放低咗認為自己最叻嘅唱歌,走去拍劇,由唔識嘅嘢做起。如今Ronald電影方面成績如何,有目共睹,不過唔少人依然掛住Ronald嘅音樂,阿澤又指當年好多人話過嘅人今日亦有份問:「你有無鄭中基演唱會飛呀?」,而今次演唱會嘅成功亦印證,仲有好多人鍾意聽Ronald唱歌。

Rehearsal 時我跟余思敏說,他做得最好的,就是唱歌!

▲杜汶澤同鄭中基情同手足。

不喝醉酒不代表高人一等

做藝人要活喺鎂光燈下,言行舉止自然成為焦點,藝人行差踏錯,又或者與世俗標準唔一樣,就成為眾矢之的,但阿澤認為,大家都係一個人,唔飲酒唔代表高人一等,又認為Ronald同圈中「偽人」相比,份人夠真。

藝人行差踏錯,又或者只是不乎合你們眼中的標準,就會被拿下。他或許像我一樣,酒品不特別好,自律性不特別高,一個大細路......其實我想說,他不就是一個人嘛。你不喝醉酒,不代表你高人一等!相比圈中九成九的偽人,他來得真實。我們什麼時候才專注於藝人的才藝多過他們的私生活?永遠不會。

▲浪子回頭金不換,正好形容鄭中基。

你肯繼續唱就夠

雖然唔知將來Ronald條路行成點,亦唔知歌迷係咪繼續專注佢私生活多過佢嘅才華,但阿澤道出一句重點-只要佢肯再唱,一定會令很多人開心!Ronald,多啲出嚟唱歌,歌迷一定會支持你呀!

▲加油呀,鄭中基!

圖片來源:鄭中基Fb
資料來源:杜汶澤Fb


#鄭中基#杜汶澤#演唱會#唱歌#e分鐘

相關文章
金像獎向曾俊華偷師 薯片叔叔:支持香港電影
專欄︱與前度的友誼(林蕾)
與鄭中基離婚不是朋友 阿Sa搬入3千萬姑婆屋
男神黃子華Solo Live 自彈自唱一樣掂!
令鄭中基由無賴變好爸爸 有一種女人叫余思敏

推介文章
人緣好 兄弟多 林子善結婚多人撐
【e分鐘投票】假如你有票… 都市人心見中的特首
狠飛吳彥祖「空心」表哥 陳雅倫夜會富豪
電影不能缺少的男配角 林雪:老竇叫我拍戲先有今日
何雁詩入行8年 「父母冇諗過我仲生存緊」
同B拍戲母性大發 44歲Sammi練盆骨操造人
免電隨身咖啡機
宅男女神大戰 簡淑兒硬撼江嘉敏
東京拍飲食旅遊節目 連詩雅獲黃浩大讚
同爸爸十年冇見 林作:佢有另一頭住家
有牛有高潮! 黃浩帶連詩雅日本食靚牛
養生清涼 松茸椰青雞鍋
按此閱讀臉書精彩內容

熱爆e+up


載入中…
x