寫千文字向丁文琪求婚 林宥嘉:未來一定要有你

Wed Nov 30 2016 11:12:25 GMT+0800 (中國標準時間)

撰文︰Take it e時

近期真係多藝人婚事,香港呢面有男神拍豪秘婚、女神孫慧雪定婚,台灣嗰面都有林宥嘉(Yoga)求婚。一向戀情低調嘅Yoga,尋晚忽然高調喺Fb宣布即將向拍拖兩年嘅女友丁文琪求婚,並以「Dear Kiki」為題,用千字文記錄自己感受,當中包括感激女友默默支持處於低潮嘅自己,全靠對方解開自己心結,慢慢認為生命的未來一定要有對方,最尾當然唔少得重要一句:「請你,嫁給我。」

▲Yoga喺Fb公開求婚信。

▲Yoga求婚成功!

現年29歲嘅林宥嘉坦言一直有建立家庭嘅想法,認為結婚唔可以拖太耐,強調「不能等到35歲那麼久」,不願讓女友當上「高齡產婦」,又話自己一睇到親子節目就會諗起自己湊小朋友嘅畫面。林宥嘉有諗過結婚,都要搵啱人先有呢種感覺,咁係咩原因令佢認為丁文琪就係最後嘅一個?

默默支持

Yoga喺千字文入面講到女友點樣解開自己心結。

你總是擔心我休息的不夠、在我緊張的時候幫我加油。也只有你,能在我迷失的時候,用你的話簡單解開我心裏的結;在我沒有信心的時候,讓我能重新相信自己。

雖然未必具體,但當中嗰份感受,相信Yoga深深體會。人最重要搵到依靠,可以令自己做番真正嘅自己。

▲丁文琪一直喺背後默默支持男友。

淡泊名利

丁文琪都係一位歌手兼藝人,但名氣就唔算好高,為人亦算低調,同Yoga自己個性相似,而Yoga曾喺訪問中大讚女友個性淡泊名利,當時仲俾人測疑係暗諷非常出位嘅前女友鄧紫琪。

▲丁文琪曾被指係Yoga同Gem戀情之間嘅第3者,但其後Yoga為丁文琪出聲明,否認對方係第3者。

廚藝了得

一個女人煮嘢好食,絕對係有分加。Yoga坦承有結婚念頭另一個原因,就係丁文琪「廚藝佳」,令佢一諗起要返屋企有好嘢食就堅開心。要留住一個人嘅心唔一定要用美色,美食都有相同效果㗎!

▲丁文琪經常喺fb上載食物相,絕對係食得又煮得之人!

圖片來源:丁文琪、林宥嘉

#林宥嘉#丁文琪#求婚#千字文#老婆#e分鐘

相關文章
苦練粵語出單曲 林宥嘉鍾情廣東歌
余春嬌打救張志明 《春嬌救志明》主題曲廣東話版面世
同一句「哈利路亞,Chance!」 《求婚大作戰》日版VS大陸版
求婚唔使買鑽戒 新疆男用「隕石」贏得美人歸
爆當年向偉仔求婚 劉嘉玲:佢話我哋仲搞呢啲?

推介文章
最叻星二代 倫子譚曉風攬女示眾
活在當下 曹永廉
買靜安區5千萬豪宅 城城跟妻女移居上海
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
我們的時光 Twins
按此閱讀臉書精彩內容

熱爆e+up


載入中…
x