專欄︱雙宋的震撼(林蕾)

Mon Jul 17 2017 07:29:58 GMT+0800 (中國標準時間)

▲宋仲基與宋慧喬因為拍《太陽的後裔》相戀,男神和女神同時封盤,哄動亞洲。本地劇集這麼多,為何出不到一對像雙宋這樣令人喜出望外的情侶?

宋仲基與宋慧喬結婚了,男神和女神同時封盤,哄動亞洲。想不到身邊幾位朋友們也不禁討論一番,大家不約而同重提對《太陽的後裔》的看法。

朋友A,女性,三十未到,把宋仲基讚到天上去。「男主角好靚仔,聰明得嚟又搞笑,仲要成日英雄救美,最抵死係竟然鬼死咁專一!係女仔都希望有個咁完美嘅男朋友......」

朋友B,女性,年齡與宋慧喬相若,對劇中女角選擇深感認同。「女仔梗係想個男仔成日陪住自己,但連睇場戲都咁困難,我係喬妹都嗌分手啦!三十幾歲人,最緊要知道自己要乜,冇理由為個男仔放棄自己事業......」朋友B甚至自爆,看完《太》之後極有衝動去做義工。

朋友C,女性,四十出頭,職業為老師。「雖然套劇好多地方浪漫化咗,但真係令你感受到大韓民族意識,用嚟宣傳國教應該幾有效,起碼形象好正面。」

朋友D,唯一男性。「劇情進展快,宋慧喬唔覺老,OK!」

以《太陽的後裔》這個劇本,除非男女主角早已心有所屬,否則撻着不是難事。成功的戲,正是演員和觀眾各取所需、各有得着。演員名利雙收,戲裏happy ending ,已叫觀眾受落;如今戲外真的開花結果,大家投射在他們身上的情感原來沒有白費,更是錦上添花。宋仲基與宋慧喬的結合令大圖畫變得完整美滿,他們要是各自嫁娶,絕對不會有今天這般哄動。

回看本地,藝人這麼多,劇集這麼多,為何出不到一對像雙宋這樣的組合,再帶給大家喜出望外的震撼?或許,先要看看我們拍的是甚麼劇,說的是甚麼故事。《賭城群英會》、《蘭花刼》......你若是觀眾,你能投入嗎?你若是男女主角,你會撻得着嗎?或許,我真的不該再比較了。


#林蕾#宋慧喬#宋仲基#太陽的後裔#e+娛樂#專欄#娛樂

相關文章
專欄︱選家底(林蕾)
專欄︱余文樂贏幾條街(林蕾)
專欄︱活在最光輝時空(林蕾)
專欄︱有驚喜就有驚嚇(林蕾)
專欄︱哭泣聲絕無意義(林蕾)

推介文章
二人世界盃 $800任食3間餐廳
【Wee Chat第5集】(完)帶囡囡坐公車食大牌檔 黃浩:佢哋要幫手做家務
【What is模範夫妻?】拍拖睇戲閃爆 陳豪攬老婆晒愛
【Wee Chat第4集】打工變成功商人 娶到港姐咪神 黃浩:想要咩就去追
Ben Sir拍嘢動作多多 慳家揀平價領呔
《美食旅客》X 吃貨咖喱 韓式小清新 閨蜜開心share
拍無綫劇做為食妹 寶珮如食完雪條再擦醉蟹
《美食旅客》X 項明生高加索三國誌 可以有幾索?
唔見鄭嘉穎 陳凱琳去街變幪面超人
LandMark歇一歇:歎愛麗斯Tea Set
相隔多年再合作 黃浩然扮摑千嬅玩到癲
【Wee Chat 第一集】少年偶像係岳少大劉 黃浩:又多錢又多女
按此閱讀臉書精彩內容

熱爆e+up


載入中…
x