就算是但噏都好高質 林海峰棟篤笑寸盡香港人和事

Sat Jul 09 2016 15:30:25 GMT+0800 (中國標準時間)

撰文︰Take it e時

最近大家都俾林海峰喺Viutv劇集《瑪嘉烈與大衛-綠豆》聲音導航嘅金句搞到夭心夭肺,但林海峰嘅威力又何只於聲線方面呢?阿Jan一連6場嘅《是但噏廣東話》尋晚喺紅館開鑼,全程棟篤笑貫徹始終-是但噏,但是但噏得嚟都好有質素,嬉笑怒罵現時社會現象,明抽暗寸下政府高官,台下觀眾都拍爛手掌。

正常之中嘅唔正常

林狗一開場話我哋身處於一個唔正常嘅時代,唔知係咪因為咁,當我哋見到一啲明明好正常嘅嘢,竟然會有一份莫明嘅感動:

將來有一日你可能會見到一個問責官員做錯嘢,佢終於肯問責道歉喇!好感動呀!嗰個差人終於肯伸張正義捉賊喇,好感動呀!我朋友買咗層樓,間房可以放到張床呀!好感動呀!仲有,公司話以後OT可以補水呀!好感動呀!

▲明明正常事,因為社會嘅價值改變而變得唔正常。

暗抽特事特辨

要諷刺時弊,政府高官係箭靶是常識吧?特首嘅「特事特辨」絕對係唔怕講到厭嘅抽水話題:

有人話,『呢個機場嚟㗎!』即係有人唔當佢係一個機場,當自己屋企,叫阿四幫你攞行李。

▲市民自製貼紙,抽盡特首。

講完高官,都要貼一貼地,講下身邊發生嘅事,例如大家都好關心嘅上唔上到樓:

聽官員講幫年青人解決上樓問題聽到火滾,因為年輕人係要上樓解決問題,正所謂書到用時方恨少,情到濃時無房嫖。

▲林狗身後嘅佈景相當有本地格局。

唔開名地寸阿Gem

阿Jan以唔開名方式去講一位去大陸登台唱歌嘅女歌手,但唔使開名答案都呼之欲出:

佢唱『你把我灌醉』,佢唱『你把』…個觀眾已經被灌醉。佢唱『你把我灌醉』,你觀眾要企起身拍手掌,OK?咁先係國際水準呀嘛。你要坐喺度拍手掌就當人哋冇反應(指現場觀眾),你丟架。

▲ 今時今日阿Gem嘅身份已經係大陸歌手。

你哋有份殺死廣東話

其實一開始,阿Jan以「我係土生土長香港人」為傲,更加配合主題而帶出廣東話重要性:

我話俾你聽,係呀,因為我全部都係講廣東話,我做電台講廣東話,我幫電視廣告配音廣東話,我出唱片廣東話,雖然o依家冇唱片,ok...我是但噏都係廣東話,若果廣東話要消失嘅話,我係第二個要消失嘅,呢件事係衝住我而嚟,我係最大嘅受害者呀,ok?

後來佢愈講愈激,喺宣傳自己首《I want you廣東歌》之中,寸盡時下香港人點樣捍衛廣東話:

嗱.....你哋啲daddy 媽咪呀,啲daddy媽咪同啲細蚊仔呀,只會講 apple apple Juice....apple apple share share,good good,嗰啲daddy 媽咪帶頭消滅廣東話呀!仲有你班友仔聽K pop學韓文,你有冇為咗我首廣東歌,去學好廣東話呀?我覺得廣東話好似北極啲冰咁慢僈溶化。唔好講咁遠,講三十年後,你估你喺廣東道講廣東話,仲有冇人識聽?

▲笑完之後,又有冇助你諗返自己有冇好好捍衛廣東話?

雖然台下觀眾笑得好開心,但笑聲之中難免會有一剎嘅悲哀,因為呢個就係今時今日嘅香港。

圖片來源:903

#林海峰#林狗#阿jan#棟篤笑#talkshow#是但噏#廣東話#TakeItE時#推介#即時

相關文章
打電話與曾俊華Connect 網民讚林海峰道出做特首重點
空姐大讚 劉華林狗任達華超好
林海峰打造祖兒秘密花園
《叱咤頒獎典禮2016》最令人期待環節 林海峰「金句」棟篤笑
「只因有我便有你」 肉麻的老公宣言 

推介文章
【跟住爸爸食燕窩】唔使一嚿水 燕窩食滿咀
最叻星二代 倫子譚曉風攬女示眾
活在當下 曹永廉
買靜安區5千萬豪宅 城城跟妻女移居上海
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
按此閱讀臉書精彩內容

熱爆e+up


載入中…
x