行山帶唔夠水要向人乞? 目擊者:呢種人累人累物

Tue Apr 18 2017 12:35:40 GMT+0800 (中國標準時間)

撰文︰Take it e時

最近天氣咁好,加上復活節假,唔少人都會去行山,呼吸新鮮空氣,但無奈氣溫炎熱,尋日錄得最高溫度成31度,做戶外運動時唔做足準備真係好易出事,嗱,尋日就有兩名男女喺屯門菠蘿山行山不適,出動兩部消防車及兩輛救護車到場戒備之餘,仲要直升機到場協助。事後,有疑似目擊者稱,佢兩個完全冇做足預防準備,更怒斥「呢種人行山真係累人累物!」

▲疑似目擊者炮轟各男女冇做好準備。

糧食不足,裝備欠專業

據呢位目擊者指,佢兩個人「只帶500ml左右的水」,而且冇帽冇食物同冇地圖;衣著亦欠專業,着牛仔褲加「冼過跑街鞋嘅輕便鞋」,沿途更甚向其他行山人士「乞水同幾粒糖」。

▲好多人慕名前來呢個「小峽谷」影相。

登山斜路多,欠樹陰位

行山人士指,菠蘿山出名「冇樹陰晒死人」,表示「 1.5公升水仲要又鹽水又糖又保壙力先頂得住」,而且沿途亦有好多碎石,又指呢段路係香港三尖之一,屬4星難度。有網友指,由良景出發嘅登山路比較易行,但由青山去菠蘿山嘅路比較難,沿路零補給之餘,有時需要手腳並用。

▲菠蘿山近峽谷位主要為沙石路。

行山人士:消防出糧係救人,唔係救茂利

目擊者怒斥「呢種人行山真係累人累物」,希望唔好重演吊手岩消防無辜犧牲悲劇,更指「消防出糧係救人,唔係救茂利」,叮囑行山人士「要知道自己行咩山,唔好一兩個行山」。

▲上月有消防員為救山行被困人士而殉職。

來源:TreeSa So

#菠蘿山#行山#水#專業#準備#e分鐘

相關文章
屯門山火蔓延 3小時仍未救熄
自我挑戰定玩命? 行山友石澗爬水管挨轟
獅子山倒掛半空玩命? 網民:一陣又搞著消防……
山野女生不敵狙擊男 行山界網絡大戰事件簿
飛鵝山成地飯盒變垃圾崗 網民:啲人冇資格行山

推介文章
最叻星二代 倫子譚曉風攬女示眾
活在當下 曹永廉
買靜安區5千萬豪宅 城城跟妻女移居上海
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
我們的時光 Twins
按此閱讀臉書精彩內容

熱爆e+up


載入中…
x