山野女生不敵狙擊男 行山界網絡大戰事件簿

Fri Apr 28 2017 12:30:00 GMT+0800 (中國標準時間)

撰文︰Take it e時

行山係一樣健康嘅活動,但其實要注意嘅事項都好多。專為女性提供行山資訊嘅「The Hiking Girls山野‧女生」專頁,近日因為多次發布錯誤嘅行山資訊,被網民群起批評;而一班聲稱要監察山系KOL嘅「山野男生」,更係寫咗唔少文章駁斥佢哋失實同謬誤嘅行山資訊。

▲「The Hiking Girls山野‧女生」以「行山女團」形象為女性提供行山資訊。

除咗「著拖鞋同bra-top行山」、「無山藝專業資格下教人行山」等行為令人質疑專業性之外,「山野女生」將文章嘅錯誤稱為「有成員個人分享」嘅做法,都惹嚟批評。

被多方指責之下,山野女生最終喺尋日宣布將暫停發布行山資訊,並關閉專頁同網站。今次事件喺網上引起廣泛討論,既反映香港有唔少對行山有興趣嘅人,亦顯示正確嘅行山資訊實在有推廣嘅必要。「大戰」過後,你對行山又有冇了解多咗呢?

▲不過發布嘅文章同相片,多次被網民發現有錯誤失實之處。

▲「山野‧女生」亦曾被指亂拋垃圾同埋推介唔識合新手嘅行山路線。

▲對於網上嘅批評,「山野女生」都有回應過。

▲不過創辦人最終留言,指會暫停提供資訊。

▲一直狙擊「山野女生」嘅「山野男生」亦發文回應,交待事件始末。