差啲說服到星爺出鏡 林子聰:佢初時有啲心軟

Tue Apr 11 2017 20:32:51 GMT+0800 (中國標準時間)

撰文︰Take it e時

自從2008年拍完《長江7號》之後,星爺就冇再喺大銀幕上演出,「正式」由演員變成導演。唔少同佢合作嘅伙伴曾透露,打算力邀星爺出山拍戲,就算係客串都好,但可惜星爺一一拒絕。尋日喺金鐘出席活動嘅「六師弟」林子聰大爆,差啲成功說服到星爺出山客串《美人魚》,但可惜……

▲呢一幕只有3秒,但可惜星爺始終唔肯。

有份喺《美人魚》面客串兼做執行導演嘅林子聰表示,原本佢自己喺衣櫃裡面彈出嚟嘅呢一幕,係想搵星爺做而非自己,仲話氹咗星爺廿幾日㖭!肥仔聰指初時星爺都心郁郁,仲準備埋服裝俾星爺,但臨拍嗰陣星爺竟然縮沙:「肥仔都係你嚟拍,其實套衫唔啱我着。」結果星爺最後都係冇露「真身」。

▲近年星爺專注幕後工作。

要輩份咁高嘅星爺出山,可能真係要配返啲咁上下實力或知名嘅導演,肥仔聰都有問究竟咩導演先可以成功令星爺再次拍戲。史提芬史匹堡?昆頓塔倫天奴?王晶?劉偉強?王家衛?但星爺都冇回答。咁又係,自己嘅戲唔演,又何況係人哋嘅片?

▲歡迎各位師兄弟歸位。

至於六師弟嚟緊有咩搞?佢透露將會喺大陸開戲,仲打算搵埋一班《少林足球》嘅師兄弟做演員,包括「峰哥」吳孟達!

會係一啲細嘅題材,唔會好大規模,會溫情啲,因為內地電影欠缺有人情味嘅電影。演員方面梗係搵自己啲兄弟啦,陳國坤、田啟文、林雪、仲想搵吳孟達。

▲人人都叫我做臭肥腩,係得你叫我六師弟。

其實大部份觀眾都係因《少林足球》而認識林子聰,呢套16年前嘅作品至今依然經典,無論係少林正宗大力金剛腿定鐵頭功?金鐘罩定地堂腿?鬼影擒拿手定「亨」功水上飄,都令人睇到津津有味,記憶猶新。如果可以原班人馬喺另一套戲入面重聚,一定會有好大迴響,唔知到時事成,星爺又會唔會念舊而出山呢?


#星爺#周星馳#林子聰#六師弟#肥仔聰#出山#少林足球#美人魚#導演#TakeItE時

相關文章
邊套戲最展現到星爺演技? 網民:《西遊記》冇得輸
昔日星爺嘅黃金拍檔 吳孟達:仲有機會合作
舞姿激似醬爆 星爺孖徐克跳《PPAP》
百足咁多爪 Ben Sir拍廣告扮星爺
《孖仔孖心肝》再重播 90年代風貌逐個捉

推介文章
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
我們的時光 Twins
狠飛太極Ricky 戴夢夢澳門攬佬
舌戰7女星談情說性 黃浩被阿嬌KO
一個人  湯寶如
按此閱讀臉書精彩內容

熱爆e+up


載入中…
x