《平安谷》少婦吸睛 譚凱琪三點式重現 龔嘉欣變「胸狠」

Thu Jan 25 2018 08:00:38 GMT+0800 (HKT)

陳凱琳、沈卓盈、譚凱琪同龔嘉欣因為拍《平安谷之詭谷傳說》 而成為好友,更組成「少婦聯盟」,久不久就喺網上放閃派褔利。 既然四位靚女咁鍾意開心「些牙」,媽咪姐自然要助佢哋一把, 一於晒下佢哋嘅性感靚相!好似童顏嘅譚凱琪拍過泳照同校服照,好 pure㗎!

▲01年譚凱琪穿着三點式,為《壹本便利》拍寫真。 當年佢20歲,卜卜脆。

知道譚凱琪做過有線主持唔奇, 不過如果你講得出佢之前係歌手出身,初戀男友係丁子高, 咁就證明你係「娛樂新聞精」。 譚凱琪同陳敏之都曾經係樂壇教父小室哲哉弟子, 去過日本四個月受訓,出過唱片《全力愛》,後來至加入有線。

2013年,譚凱琪轉投無綫,拍劇多咗嘅佢,上年仲喺《TVB馬 來西亞星光薈萃頒獎典禮2017》奪得「最喜愛TVB飛躍進步女 藝員」,入行18年總算捱出頭來。呀,唔記得話你知,36歲嘅譚 凱琪都係「童顏」一族!

▲譚凱琪曾經為《壹週刊》副刊着水手服扮學生妹。 如果有個咁正嘅女同學,應該冇男仔會走堂。

▲《EU超時任務》戴耀明「動L」呢一幕, 除咗印證譚凱琪幾有吸引力,更令人知道邊個叫戴耀明,win win。

▲陳凱琳係2013港姐冠軍,當時公布嘅身材係30-22-33, 腰幼腿長,雖然唔係胸霸,不過一樣有睇頭。

陳凱琳家住九龍塘5千呎過億獨立屋,爸爸炒舖炒樓賺唔少, 估計身家過十億,加上美麗外表,一入娛圈即受力捧, 陳凱琳其實都係「人生勝利組」。

2015年,陳凱琳同視帝鄭嘉穎因為拍《殭》撻着, 大概因為男友教路,陳凱琳喺《平安谷》飾演女權分子羅桂思, 表現略有進步。講開又講,22吋腰嘅陳凱琳同鄭嘉穎前度佘詩曼都 係「小腰精」,似乎鄭生鍾情腰靚索女喎!

▲睇番舊相,陳凱琳皮膚偏黑,又有少少爆牙。

▲雖然屋企有米,不過陳凱琳一樣會搭港鐵,平日出街,仲會以「四眼娘」造型現身。

▲沈卓盈上年去旅行,仲喺社交平台大派「軍糧」 。佢身形fit爆,加上白滑肌膚,晒泳照冇得輸!

皮膚白滑加上修長身形,令沈卓盈以大熱姿態成為02年《TVB周 刊》Cover Girl冠軍,因而加入娛樂圈。近年沈卓盈密密拍劇, 不過佢最初做主持多,《最緊要正字》同《放學ICU》 都係唔少人嘅回憶,令佢有「Jess姐姐」同「靚女姐姐」稱號。

沈卓盈與家族經營內衣生意嘅男友Calvin拍拖一年有多, 感情穩定,沈卓盈大讚男友係好好嘅男仔,又表示男友已融入家中, 好鬼sweet!

▲入行初期,沈卓盈演出過唔少MV,03年佢就為Juno嘅《沒有人》MV演出。

▲喺2010年播出嘅《女人最痛》, 沈卓盈飾演名模,佢喺米雪面前騷哥厘呢幕,網友like爆。

▲08年,《face》為龔嘉欣影靚相(左),當時都有事業線嘅, 但未見「胸狠」。龔嘉欣2016年拍纖體廣告(右),順便大晒豐滿身材。相比08年, 佢「事業心」已經超強。

08年拍《盛裝舞步愛作戰》而為人熟識嘅龔嘉欣,其實讀演藝出身, 佢入無綫前,喺有線體育台及財經資訊台做過主持兩年。 因為外形嬌小,最初都係做主角阿妹居多。

直至2016年嘅《幕後玩家》,龔嘉欣演活慘爆人妻, 因而獲台慶「最佳女配角」,現年28歲嘅佢演技終於得到認同。 睇番舊相,龔嘉欣身材越嚟越正,媽咪姐都好想搵佢請教下!

▲龔嘉欣同鄧健泓曾經拍拖兩年幾。2010年, 佢哋深井開完餐,男嘅苦口苦面,化身「四眼娘」 嘅龔嘉欣就口擘擘,勁搞笑。

▲ 喺《幕後玩家》,老公黃宗澤有小三,龔嘉欣傷心爆喊。 龔嘉欣表示係真眼淚,因為現實中有類似經歷。


#平安谷#龔嘉欣#沈卓盈#譚凱琪#陳凱琳#e+娛樂#娛樂

相關文章
江嘉敏樣靚麻甩 簡淑兒可愛斯文 宅男女神對決
不一樣的女孩(下) 譚凱琪
不一樣的女孩(上) 譚凱琪
網友Like爆《平安谷》 大讚少婦聯盟演技
e衫評 龔嘉欣透得靚 姚子羚太鬆身

推介文章
米芝蓮大廚教煮住家菜(下)