康橋之家被揭八個月死六人 張建華:好唔尋常

Fri Oct 21 2016 15:30:00 GMT+0800 (中國標準時間)

撰文︰Take it e時

一宗院長懷疑性侵智障女童案件,令殘疾院舍康橋之家成為大眾焦點。隨住傳媒嘅追查,康橋之家更被爆出單係今年首八個月,就發生咗六宗死亡事件,當中包括有院友進食時鯁死、用皮帶勒頸自殺,甚至有病患跌傷後,得唔到及時護理而死。

張建華接受報章訪問時話:「我梗係擔心啦,關我咩事啫,我走咗兩年,當時我嘅行政全部都好好,係內部有問題……據我所知應該呢年死咗五六個院友……分別似乎一個喺年頭用皮帶自己勒死自己,有兩個鯁死,仲有一、二、三,跳樓嗰個四個……排一年內好唔尋常㗎嘛。」

▲幾個月前院舍有14歲姓梁少年墮樓死亡,警方前往調查。

而兩個月前,一名14歲自閉院友喺院舍拆窗後墮樓身亡,佢嘅媽媽梁太今日接受傳媒訪問,就憶述兒子當時身體不時出現傷痕:「佢成日都有傷,額頭、手腳等……我問佢點解受傷,佢話『用鞋囉!用鞋打打』我問邊個『打打』,佢話『A姑娘打』」,又指兒子試過拒絕返康橋:「過到半路就捉住我要走回頭......喊得好犀利,唔肯返上去」,令佢懷疑當時囝囝係喺院舍送到欺凌。

梁太表示:「我從一名院友口中聽聞,司機B哥因我個仔唔識自理大小便,竟將糞便塗抹喺我個仔臉上羞辱佢!」佢當時諗住暑期完咗先接走阿仔嘅決定,亦令佢後悔至今:「康橋嗰邊咁論盡,都怪自己,點解要去嗰度呢?點解要去?」

▲張建華表明早已辭任,所以唔關佢事,只係透過同事口中得知有院友死亡。

目前警方繼續跟進緊死亡個案,而社會福利署尋日(10月20日),亦宣布將該院「釘牌」,但各方面需要嘅跟進工作依然好多。康橋之家被揭發出嚟嘅性侵案件同死亡案件,究竟會唔會只係冰山一角?呢個問題相信好多人都會想知道。

圖片來源:都市日報

#康橋之家#張建華#殘疾院舍#死亡事件#時事#熱話

相關文章
康橋之家前院長:院舍有人死,無人性交
強調「完全冇」性侵女事主 張健華:我先係受害者
青年聯會換屆 新舊主席專訪
鄭松泰被捕 逾十名支持者在警署外聚結
帳委會:铅水事件房署署長應耀康難辭其咎

推介文章
我們的時光 Twins
狠飛太極Ricky 戴夢夢澳門攬佬
舌戰7女星談情說性 黃浩被阿嬌KO
一個人  湯寶如
玩交友App識男仔 麥明詩約俊男high tea
翻新暫別街坊六星期 公和荳品:凡事向好方面看
洗米華大仔周柏豪:同爸爸溝通唔係太多
《警訊》被插拍得浮誇 堅哥反擊:咁係咪佢自己好醒呀?
陳自瑤怨老公少返屋企瞓 王浩信婚姻現暗湧
【挑辣星極辣挑戰賽】到底辣王辣后誰屬?
【挑辣星極辣挑戰賽】星級參賽者鬥食辣Laksa辣魚蛋
宣萱 有要求的人
按此閱讀臉書精彩內容

熱爆e+up


載入中…
x