廿年冠軍夢碎惹公憤 小智聯盟「全敗紀錄」重溫

Sat Aug 20 2016 15:05:00 GMT+0800 (中國標準時間)

撰文︰Take it e時

動畫《寵物小精靈》播映咗咁耐,片中主角小智都旅行咗差唔多20年,唔少觀眾嘅願望可能就係見到小智贏聯賽。不過最新嗰集小智雖然成功殺入決賽,但結果依然再次令大家失望,難怪唔少粉絲都即刻鬧爆編劇問「點解唔俾小智贏」。其實小智嘅聯賽之路真係走得唔容易,輸完又輸,究竟佢仲要「屢戰屢敗」到幾時?

關都聯盟 十六強

啱啱「出道」嘅小智,無論係對戰定係訓練小精靈嘅技巧都不足,所以輸咗都冇辦法。但以第一次參加聯盟賽就可以入16強,其實成績已經唔錯。

▲一開始嘅小智,連小精靈都唔太識得訓練。

城都聯盟 八強

聯盟中小智喺16強決戰宿敵小茂,兩個都拎出最強嘅寵物決戰,最後小智憑戰術勝出,非常精彩。不過雖然小智成功殺入8強,但面對強敵葉越多元化嘅精靈,小智最終都係輸咗。

▲呢場宿敵決鬥,可以話係經典中嘅經典。

豐緣聯盟 八強

今次8強嘅對手哲也實在太強,小智輸都係正常嘅。不過長路漫漫,小智仲有大把成長空間,今次嘅戰敗當係吸收經驗,都好合理。

▲今次聯盟小智輸咗,都一度覺得好挫敗。

神奧聯盟 四強

今屆小智表現出色,8強時嘅最長時間6對6對決更加令人印象深刻。之不過最後因為比卡超同敵方寵物拉帝歐斯同時失去戰鬥力,而小智冇其他寵物換入,所以只得四強止步。不過第一次殺入前四強,雖然輸咗但都非常勁!

▲神奧聯盟時期,小智嘅精靈實力俾之前更加強勁。

合眾聯盟 八強

小智喺今次嘅聯盟賽表現都唔錯,連續擊破咗勁敵修帝同肯尼洋。可惜小智輕敵,8強開局已經陷入劣勢,最後都係輸咗俾強敵虎徹。因為輕敵而大敗,今次小智可以話係輸咗俾自己。

▲勁敵虎徹同佢嘅愛寵路卡利奧。

卡洛斯聯盟 亞軍

小智今屆擊敗一眾強敵殺入決賽,加上訓練出嘅小精靈甲賀忍蛙實力非常強勁,唔少人都相當期待佢可以成功拎到冠軍。但明明屬性相剋,官方依然要令忍蛙輸咗俾對手嘅超級噴火龍,難怪粉絲都睇到好嬲!

▲有咁勁嘅甲賀忍蛙都贏唔到,究竟編劇幾時先會俾佢贏?

▲可以體會到一眾支持者有幾失望。

▲有人已經決定燒晒啲公仔……

▲各國粉絲都去《寵物小精靈》官方帳號留言怒罵~今次真係點收科?


#寵物小精靈#聯盟賽#訓練#連敗紀錄#亞軍#小智#TakeItE時#推介#熱話

相關文章
帶埋去孵蛋 《寵物小精靈》跑步比賽冬天襲港
激似度100%! 神手網友自製小精靈紙燈籠
Pokémon Go風暴襲港 全城抽水掘金
Pokémon Go熱潮食住上 大小商戶齊吸金
做Pokemon大師冇難度 打工仔捉精靈攻略

推介文章
【跟住爸爸食燕窩】唔使一嚿水 燕窩食滿咀
最叻星二代 倫子譚曉風攬女示眾
活在當下 曹永廉
買靜安區5千萬豪宅 城城跟妻女移居上海
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
按此閱讀臉書精彩內容

熱爆e+up


載入中…
x