張氏男神大對決 你揀張彥博定張頴康?

Sat Sep 03 2016 16:55:28 GMT+0800 (中國標準時間)

撰文︰Take it e時

雖然《一屋老友記》已經做完一段時間,但網民對呢段劇都有好印刻印象,尤其係兩位男配角-做「細寶」嘅張彥博同埋「三寶」張頴康。最近高登仔就出post問大家,鍾意張彥博定張頴康。我哋就嘗試喺四方面分析一下,究竟兩者有咩咁吸引,睇下呢個張氏對決,邊個先係贏家!

▲左手又係肉,右手又係肉。

年齡

唔好睇張彥博成個20歲童顏樣,其實佢今年已經36歲,張頴康都仲要俾佢細一年,到12月先35歲。張頴康本身相貌都算細個,估唔到張彥博仲細啲!但實際年齡就剛好相反,真係估你唔到。

▲兩者其實喺天與地時已經合作過,但當時張頴康只係閒角,張彥博更加只係客串演出。

樣貌

張彥博有「香港羅志祥」稱號,事關佢同小豬真係唔只幾分相似,直情一模一樣咁濟;至於張頴康都算係靚仔一名,留鬍時候俾人話過似台灣型男張震。一個靚仔,一個有型,點揀呀?

▲唔知有冇觀眾覺得係睇緊羅志祥同張震?

才華

張彥博係歌手身份出道,曾前赤子樂隊成員,識唱歌、作曲、結他、鋼琴、打鼓,名副其實嘅音樂高手;嗱,張頴康都係一個深藏不露嘅人,識彈古典結他又識打鼓,仲同林奕匡夾過band㖭!

▲張頴康原來係深藏不露嘅高手。

演技

近兩年先開始拍劇嘅張彥博,憑住《一屋老友記》細寶一角上位,演技仍處於磨練階段;而張頴康07年開始拍劇,由茄喱啡做到男配角,喺《一屋老友記》之前已經憑住《回到三國》嘅范根、《師父·明白了》嘅江太平、《貓屎媽媽》嘅范發贏得觀眾讚賞。

▲兩位演技大受好評。

總括四項,各有千秋,呢個張氏對決,結果係………

打和呀!

圖片:高登

#張穎康#張彥博#張氏#細寶#三寶#一屋老友記#才華#靚仔#TakeItE時#熱話

相關文章
夫妻自拍放閃特輯 張穎康:我非常之幸福!
識食一定咁食 張彥博獨特方法嚐片皮鴨
直播唱情歌 劉佩玥女神攻勢冧張彥博
有樣有才華 張彥博上位做「音樂男神」?
帶住棵蔥返學 開學三寶有咩寓意

推介文章
【跟住爸爸食燕窩】唔使一嚿水 燕窩食滿咀
最叻星二代 倫子譚曉風攬女示眾
活在當下 曹永廉
買靜安區5千萬豪宅 城城跟妻女移居上海
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
按此閱讀臉書精彩內容

熱爆e+up


載入中…
x