【得唔得1月底知】劉德華申請今年12月補場 Eason、霆鋒齊爭檔期?

Wed Jan 02 2019 17:40:55 GMT+0800 (Hong Kong Standard Time)

撰文︰八八通

劉德華相隔八年,再開20場紅館騷《My Love Andy Lau劉德華World Tour》,可惜佢不幸患上流感,要取消餘下七場嘅演出,好多劉華fans擔心偶像身體問題之餘,亦希望個唱可以補場!

今日主辦機構映藝文化娛樂有限公司就宣布安排,話紅館最早檔期係2019年12月,已經入紙申請,希望可以安排補場演出,如果成功申請,觀眾可以選擇補場或者退票安排,如果申請失敗,主辦機構就會即刻安排退票,至於結果會係1月31日前知道。大會亦提醒觀眾,記得保留取消場次嘅完整有效門票,即係2018年12月28日至2019年1月3日門票!

至於劉華成功補場嘅機會大唔大?就要睇對手啦,陳奕迅喺10月舉行完音樂會之後曾經講過,如果申請到紅館檔期,一定會試吓搞跨年演唱會,之前亦有傳謝霆鋒同樣有意申請搞跨年演唱會,當時Eason仲講笑叫霆鋒唔好同佢爭檔期:「我係歌手嘛,佢都係,不過佢偏向煮嘢,冇我咁大壓力。」

劉德華喺第14場演唱會因為喉嚨發炎,當晚被迫腰斬演唱會,最後喊住同大家講對唔住。之後再因確診流感,前後共取消7場個唱。

大會而家入紙申請19年12月檔期,今個月底知結果。

即使有補場都好,觀眾可以揀補場或退錢。

陳奕迅喺10月舉行完音樂會之後曾經講過,如果申請到紅館檔期,一定會試吓搞跨年演唱會。

有傳謝霆鋒同樣有意申請搞跨年演唱會,未知會否影響華仔補場

劉德華相隔八年再開紅館騷,引起全城搶飛熱潮。

一連20場嘅個唱,劉華原本打算同大家倒數,迎接2019年。

大會呼籲受影響觀眾保留有效門票。


#GossipGossip#八八通#全城放狗#劉德華#MyLoveAndyLa劉德華WorldTour#紅館騷#流感#出年有望補場#e+娛樂#娛樂#推介#熱話

相關文章
【老公買2,828萬獨立屋追B】李乘德邊行邊傾生意 胡杏兒開心濕平
《e衫評》周汶錡復古又新潮 鄭秀文太瘦撐唔起
【3個月減30磅】姜皓文佬味濃 行街Chok爆
【好可惜】申請補場失敗 劉德華火速復工
【何家最索千金】超蓮做老闆心掛掛 行街都要返去望一望

推介文章
【3個月減30磅】姜皓文佬味濃 行街Chok爆
【何家最索千金】超蓮做老闆心掛掛 行街都要返去望一望
張智霖係完美老公 變身異性絕緣體
【男友係集團餐廳老闆】「天嬌」入屋繼續搏殺 譚凱琪唔做豬年新娘
戴口罩微服出巡濕平買餸 馬浚偉同人撐枱腳?
【一家超幸福】當年拍拖不被睇好 一條片證蔡少芬冇嫁錯張晉
應采兒着鬆身衫孖囝囝睇醫生 陳小春IG暗示有多個B?
麥玲玲2019豬年運程-肖狗桃花旺隨時閃婚 喜事重重開心年份
【名導林嶺東設靈】 周潤發拖老婆哀傷致祭
【終極結局】奸仔馬炭犧牲救大家 大帥哥沅婉、冬來愛美Happy ending
麥玲玲2019豬年運程-肖雞有利讀書考升職試 進修會遇合適對象
麥玲玲2019豬年運程 肖猴害太歲出門易有危險 財運不俗心情開朗
按此閱讀臉書精彩內容

熱爆e+up


載入中…
x