從《430》到綠葉王 被忽略的老戲骨-張國強

Fri Feb 10 2017 14:05:46 GMT+0800 (中國標準時間)

撰文︰Take it e時

其實TVB入面,仲有好多好戲之人,可能佢哋已經上咗年紀,加上部份觀眾都鍾意睇小生花旦,所以未必適合做主角,但唔代表佢哋冇能力搭大旗,就算做配角都可以好搶戲!好似KK張國強,絕對係無綫其中一位資歷深又好戲嘅綠葉,無論做古裝定時裝、好人定奸角、搞笑定認真,佢都能夠勝任,但名氣似乎就一般,亦同獎項無緣。不過對KK似乎冇乜影響,平日仲好鍾意喺微博Post自己拍劇嘅造型照,仲會講下自己拍劇感受,感激一班合作嘅演員,絕對係一位超鍾意演戲嘅藝人!

▲張國強經常喺微博上載自己嘅造型照。

▲兒童節目《430穿梭機》係好多70、80後嘅童年回憶。

當年張國強係足球員出身,仲代表過港隊㖭。後嚟因貪玩試鏡,結果同無綫一拍即合,退役後全心全意投入演藝事業,做過《430穿梭機》第一代主持,亦參與過早期嘅《歡樂今宵》,絕對係TVB嘅老臣子之一。

▲張國強同李若彤,當年都郎才女貌。

出道40幾年,張國強飾演嘅角色數不勝數,但深刻角色絕不欠奉,最經典一定係1997年無綫劇《天龍八部》入面嘅慕容復,完全將小說中嘅形象刻劃出嚟,唔單只憑呢套作品一炮而紅,更加獲網民稱讚「張國強之後再無慕容復」,有冇過譽?真係唔知,但連大陸嘅媒體都有關注張國強當年嘅演出,你就知佢受歡迎程度有幾大。

▲圖左至右:恭親王、萬劍鋒、莫一烈、程煜標

雖年屆60,但張國強產量依然多,較為突出嘅角色有《宮心計》入面同關菊英有感情線嘅萬劍鋒、《潛行狙擊》嘅霸氣坐館莫一烈、《大太監》入面同米雪有對手戲嘅恭親王、《城寨英雄》入面嘅柯萬長等等,但不得不提,一定係《情越海岸線》嘅程煜標,面對朱璇情慾挑逗都不為所動,仲道出愛嘅真理,劇集播出街之後,反應絕佳,仲大讚KK身材依然冇走樣㖭!

▲張國強當年都做過主角。

張國強都唔係冇做過主角,喺早年港產電影《點指賊賊》、《波牛》擔正,但就未有大紅大紫,如今喺大銀幕定公仔箱都有穩定演出機會,對於鍾意演藝嘅張國強,或者已經好滿足!

圖片來源:張國強微博

#張國強#老戲骨#430穿梭機#EYT#歡樂今宵#e分鐘

相關文章
邊個係幕後黑手? 《致命復活》四大害安仔嫌犯
邊開餐邊晒身材 張國強堅係食霸
演慈父定壞人都咁好戲 真正忠奸人廖啟智
開國功臣狠批TVB  蔡和平:擦鞋擦到離晒譜
楊證樺黃長興救妹送命 網民洗版讚姚子羚喊戲感人

推介文章
最叻星二代 倫子譚曉風攬女示眾
活在當下 曹永廉
買靜安區5千萬豪宅 城城跟妻女移居上海
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
我們的時光 Twins
按此閱讀臉書精彩內容

熱爆e+up


載入中…
x