心痛阿媽唔領情 阿女:難道心意比唔上貴價品?

Mon May 15 2017 16:05:48 GMT+0800 (中國標準時間)

撰文︰Take it e時

尋晚係母親節,唔少仔女都盡孝道,陪下阿媽飲茶、行街、或者整啲小禮物或煮餐飯孝敬阿媽,相信唔少阿媽對仔女呢份心意都好安慰,但竟有阿媽視物質為重,嫌棄仔女嘅禮物唔夠珍貴。有位中二女生網上形容自己度過一個不愉快母親節,因為阿媽嫌棄佢整嘅母親節蛋糕難食之餘,仲妒忌其他親戚仔女送面膜而非蛋糕,直斥其女為「垃圾女」、「不孝」、「母親節乜表示都冇」。

疑妒忌表哥送名貴面膜,因而不滿子女母親節乜嘢表示都冇

中二女生表示,最近佢表哥送咗幾盒「好貴嘅面膜比佢啊媽(阿媽個妹妹)」,因為呢件事令佢媽媽好不滿,點解自己妹妹有咁名貴禮物而自己冇,結果怒斥其兩個女不孝。但對方表示,當日只係12號,未係正日母親節,亦早已準備定禮物送俾媽媽。

▲想俾驚喜,但未有驚喜先有驚嚇。

買定材料整蛋糕,媽媽卻不領情:好難食

女生喺之後一日整咗蛋糕送俾媽媽,但媽媽竟然唔領情,仲大叫「好難食」,又稱「咁得閒浪費錢又浪費時整D垃圾出來,不如買盒面膜比我好過啦」

▲唔好食都唔使咁直接。

媽媽怒斥兩女為垃圾女:早知就用800萬來買樓好過!

女生形容佢阿媽得知事件之後非常嬲,仲特別喺電話入面同人呻,自己兩個女不孝,連母親節都冇表示,仲表示「早知就用800萬來買樓好過!」

▲呢句說話傷盡仔女心。

母親說話傷盡心,自言買唔起幾百蚊面膜

女生形容同媽媽關係唔太好,以往生日都冇慶祝,就連病都係鬧而非關心。對於媽媽一句「難食」,女生直言非常hurt,認為「就算真係難食都唔好咁講,難道handmade就係垃圾?心意比唔上貴價品?」其後女生自言只係F.2學生,「真係無能力買幾百蚊嘅面膜送比您。」

▲有邊個仔女唔想得到媽媽關心?

希望其他人珍惜那個對自己好的媽媽

呢位中二女生直言好傷心,認為自己「犯賤」,「犯賤整啲垃圾」俾對方食;又指以後慶祝都唔會出自真心。藉著呢件事,女生希望其他人珍惜那個對自己好的媽媽,因為原來有啲嘢唔係必然。

▲天下間,錫仔女嘅都係好媽媽。

來源:名校 Secrets

#母親節#媽媽#禮物#物輕情義重#面膜#e分鐘

相關文章
喊住唱《媽媽I Love You》 肥媽:仔女打電話慰問一句已很足夠
激嬲阿媽最勁一次 阿仔:佢鬧完我入廁所喊
【母親節的禮物】 最難忘的母親節 「$5雪糕」Calvin媽媽:永遠記得在西九龍賣雪糕
【母親節的禮物】 感激母親無私照顧 「$5雪糕」Calvin:想送多啲時間同媽媽一齊
【母親節系列】 帶媽媽High Tea

推介文章
當張繼聰係菩薩 Bob:抵佢溝到謝安琪
唐詩詠狠斬2年情 踢洪永城7宗罪
專屬情人 林文龍
撬林耀聲牆腳 方力申暗溝張沛樂
科技融入生活 體驗空間美學
同時溝兩港男 陳展鵬新女友雜食
楊明 把握時機
1O1O呈獻:星星美食旅客 -東京中華料理之最高
聯名買將軍澳樓 蕭正楠黃翠如同居試婚
1O1O呈獻:星星美食旅客 - 兩大貼地必吃餐廳
汪明荃 不言休
1O1O呈獻:星星美食旅客 -食日本好「西」
按此閱讀臉書精彩內容

熱爆e+up


載入中…
x