怒斥學校4大變態位 中六生:最近裝埋閉路電視

Tue Mar 07 2017 15:19:24 GMT+0800 (中國標準時間)

撰文︰Take it e時

臨近公開試,唔少中六生都會趁「study leave」時段返學校自修室溫書,貪唔使喺出面霸位嘛,但假如學校set咗一連串規則要你遵守令你冇自由,你又願唔願意?最近有學生喺網上直斥學校做法好離譜,事關學校竟然裝閉路電視監察學生一舉一動,有侵犯私隱之嫌,加上其他校規,令學生認為「好似坐監」咁。呢位學生就列出學校4大「無理」位:

▲有網友指學校為東華三院伍若瑜夫人紀念中學。

跟足返學時間

同學表示唔可以自行決定幾點返學校自修,一定要跟足返學時間,仲要記底返學時間;假如捉到學生用手機、食野、冇著完整校服或者太大聲嘅話,會收起張成績表,認為學校做法無理。

無論幾點返都好,都一定要跟足平時學校時間小息、放lunch同放學。即係你朝早返到嚟,最遲都要去到12點放飯時間先走到,仲要記錄底你嘅回校時間

要著完整校服回校

唔少學生着運動服時都會偷雞着下其他牌子嘅長褲。佢表示,曾經有位同學因下身著咗條adidas黑色長褲,最後俾訓導趕咗出學校;又指此後成日有老師同校工入嚟望監察,認為學校做法好變態,當正佢哋係監犯。

之前就有個同學上身著pe杉,下身著咗條adidas黑色長褲,比(俾)個訓導趕左(咗)佢出學校,個同學被捉之後學校就變到極變態,成日有老師同校工入嚟望下我地(哋)做乜,當正我地(哋)監犯咁。

收起電腦唔俾用

同學表示,佢哋有時會用電腦查資料或者上網做pp(past paper),但學校竟然斷成間房嘅網路,仲要收走曬mouse keyboard,又指如果再犯事嘅話,會令佢哋畢唔到業,甚至關閉自修室㖭。

佢斷左成間房嘅網路,仲要收走曬mouse keyboard……傳說再犯事多幾次,甚至會令我地(哋)畢唔到業,唔會俾畢業證書我地(哋),改為發放一張名為「修業證書」嘅物體

裝閉路電視

不過最令呢位同學不滿,係學校裝閉路電視嚟限制佢哋嘅活動,認為學校咁做係侵犯私隱,又形容返去自修好似坐監咁。

呢排仲要變本加厲,係個自修室度裝咗部cctv!喂大佬呀,我地(哋)返到嚟都係想好好溫書啫,你係要裝部閉路電視嚟限制住我地(哋),搞到依家返學自修十足坐監咁。

▲網友對事件睇法各有不同。

對於呢位同學嘅指控,網民都有唔同意見。撐學生嘅網民認為,學校做法太誇張,有侵犯私隱之嫌。不過持反對意見嘅網友認為,既然要用手機或電腦,索性唔好返學最好,又指學生返去溫書嘅心態有問題,倒不如喺屋企溫書。有中立網民認為,學校裝cctv,無非保障學生安全,萬一出事點算?但認為要了解學校呢個舉動嘅原因。教協會長馮偉華向傳媒表示,學校如安裝閉路電視,「一定要符合私隱條例,而且要有足夠原因」,又稱校園內安裝閉路電視,情況並不普遍。

來源:名校 Secrets

#學生#學校#閉路電視#CCTV#校規#坐監#溫書#自修室#e分鐘

相關文章
為追巴士搵命博? 小學生亡命衝馬路險車死
港大又現變態欺凌 男學生陽具連環鞭打同學頭
曾被學生要求贊助iPad 王迪詩:12件貨品等住我俾錢
無視學生求救訊號? 壓力作業被讚「畫得好靚」
訓練定虐待? 學生爆料控訴保良局訓練營惡行

推介文章
【挑辣星極辣挑戰賽】到底辣王辣后誰屬?
【挑辣星極辣挑戰賽】星級參賽者鬥食辣Laksa辣魚蛋
宣萱 有要求的人
豪宅同居年半 譚凱琪有米男友求婚成功
當張繼聰係菩薩 Bob:抵佢溝到謝安琪
唐詩詠狠斬2年情 踢洪永城7宗罪
專屬情人 林文龍
撬林耀聲牆腳 方力申暗溝張沛樂
科技融入生活 體驗空間美學
同時溝兩港男 陳展鵬新女友雜食
楊明 把握時機
1O1O呈獻:星星美食旅客 -東京中華料理之最高
按此閱讀臉書精彩內容

熱爆e+up


載入中…
x