怒轟《幕後》誤導觀眾 關懷愛滋組織:唔好污名化感染者

Thu Dec 01 2016 14:20:31 GMT+0800 (中國標準時間)

撰文︰Take it e時

12月1日係世界愛滋病日,用意係提高公眾對HIV病毒喺全球傳播嘅意識,同埋關懷身邊愛滋病患者,遠離歧視,但咁啱日前陸永喺《幕後玩家》扮演嘅顧成曦,因與模特兒性交後疑感染愛滋而大受打擊,最後走上天台跳樓尋死,死前仲話:「我瀨嘢喇,我有愛滋呀……我抵死呀!」結果被志願團體批評TVB劇情發放錯誤訊息,誤解愛滋病。

▲有種部隊逐一反駁《幕後玩家》入面對愛滋病嘅謬誤。

慈善組織「關懷愛滋」團隊旗下嘅「有種部隊」Facebook專頁引述相關劇情及截圖,表示要「提供正確資訊」,「消除社會對愛滋病及感染者嘅恐懼同歧視」,亦用文字解釋上劇中謬誤,例如「感染愛滋病係唔洗死,接受治療準時食藥,壽命同常人無異」、「愛滋病感染者唔會拖累人」、「愛滋病唔係你講就有、唔可以目測,要驗先知有無感染到」,諷刺劇中顧成曦俾人話有愛滋但又唔去驗。

▲陸永認為劇中嘅角色係好無知,呢個做法係突顯其無知一面。

扮演顧成曦嘅陸永接受傳媒訪問時回應:

我又唔覺劇集發放咗愛滋嘅錯誤訊息,只不過係劇集入面一個角色,對佢自己嘅病嘅誤解,再講呢個角色直頭連驗都冇驗過,人哋話佢有愛滋就信,劇集完全冇教育大家愛滋病嘅訊息,何來發放錯誤訊息呢?

▲關懷愛滋嘅團結致力保障愛滋病患者嘅權利。

雖然愛滋病依然未有徹底根治嘅藥物,但醫學已經比以往昌明,只要接受治療同準時食藥已經可以控制病情。「關懷愛滋」團體亦表示:

感染愛滋病病毒不是沒有將來,因為只要及早接受適當藥物治療,生活與一般人沒有太大分別。

▲每年嘅12月1日都係世界愛滋日。

根據衛生署指引,愛滋病有3個月空窗期,唔係你話有就有,係需要進行測試,一般測試(抽血)需時一星期就有結果,亦有「快速測試」(篤手指)提供,只需20分鐘就有結果。所以唔好以為有愛滋病就一定要死,萬大事都有解決方法呀!陳奕迅唱詞都有講啦:死亡遲早都找你,切勿憑自己!

圖片來源:有種部隊 Guts Army、關懷愛滋 AIDS Concern

#愛滋病#TVB#幕後玩家#陸永#顧成曦#尋死#HIV病毒#e分鐘#TakeItE時

相關文章
開live要跑數 TVB藝員玩big big channel各出其謀
點止靚足10年? 35歲唐寧《蘭花劫》仙氣現身 
《陪著你走》播到變洗腦歌 網民:使唔使濫到每集播幾次?
宣萱 有要求的人
原隻冰鮮乳豬影入鏡 網民炮轟肥媽節目:好不安

推介文章
最叻星二代 倫子譚曉風攬女示眾
活在當下 曹永廉
買靜安區5千萬豪宅 城城跟妻女移居上海
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
我們的時光 Twins
按此閱讀臉書精彩內容

熱爆e+up


載入中…
x