成功男人背後的女人 麥雅緻無條件撐張頴康追夢

Mon Nov 28 2016 11:40:11 GMT+0800 (中國標準時間)

撰文︰Take it e時

每個男人背後都有一位默默支持自己嘅女人,無論你條路點行佢都會無條件支持你,仲好鼓勵你落力去做,睇嚟張頴康已經搵到呢個人。

前日張頴康喺《TVB馬來西亞星光薈萃頒獎典禮2016》勇奪飛躍進步男藝人獎,除咗感謝TVB俾機會佢之餘,亦多次對住鏡頭感謝太太麥雅緻(Angie),因為佢嘅無條件撐起頭家,先可以令自己無後顧之憂繼續發「演員夢」,難怪臨落台前都要高呼一句:「老婆,我永遠都咁愛你!」

知慳識儉

女人慳家係會加分,麥雅緻都係一位「慳妹」,從來唔會亂使錢買名牌,拍拖一定要食高級嘢?NO,麥雅緻同張頴康拍拖活動,就係睇下戲,去下海邊拖手散步,食下便利店雪糕,夜晚唔使去山頂,食下地道大排檔已經足夠,夠晒貼地!

▲真係冇講大話,麥雅緻真係鍾意去食大排檔㗎。

無條件支持老公

出道16年嘅張頴康本身唔係一位大紅大紫嘅演員,試過因為收入不足而放棄演藝事業,但因為一次車禍令佢明白唔可以咁易放棄,佢唔甘心連試都唔試就退出,於是同老婆講要返無綫,麥雅緻就講咗呢句:

去發你嘅夢啦,屋企我頂,錢嘅嘢唔使理!

一個女人可以無條件支持男人去追夢,呢下真心有型,難怪張頴康得獎時不忘多謝太太。

心靈支持

麥雅緻唔止支持張頴康去追夢,仲喺心靈上彌補咗佢嘅童年遺憾。說話張頴康身於破碎家庭,母親喺佢4歲時離家出走,試過俾同學笑佢冇媽媽,張頴康喺成長路上缺乏母愛,但佢個心依然掛念生母,而堅持唔用藝名,只係希望有朝一日可以同佢相認:

一直用自己真名張穎康,沒有改過,她如果尚在世,應該會看到我。

麥雅緻嘅出現,令張頴康對家庭充滿期盼,婚後兩年麥雅緻為張頴康生下女兒,自此一家三口樂也融融,張頴康坦承太太為佢填補心靈上嘅缺口,表示全靠太太彌補佢嘅童年遺憾!

▲張頴康係一位好重家庭觀念嘅男人。

互補不足

能夠走埋一齊,唔只要外在興趣相投,仲要內在都有相同價值觀,先可以互補不足,好似張頴康同麥雅緻,大家都會為家庭而出力,唔會將壓力偏重任何一方,而喺娛樂圈呢個染缸,二人仍能獨善其身,尤其張頴康一直零緋聞,只因個心始終喺對方到。

最緊要我哋個心都係向住對方,我老公又冇乜向外嘅心,佢成日都教我,兩公婆應該一齊對外,而唔係對內,唔好內鬨

▲「小朋友一定要錫,但係老婆更加要錫!」,估唔到張頴康原來都咁sweet。

能夠娶到一個知足體貼、處處為家庭著想嘅太太,絕對係無數男人嘅畢生願望,難怪張頴康自言係天下間最幸福嘅男人!

圖片來源:張頴康 麥雅緻 專頁

#張頴康#麥雅緻#無條件#追夢#撐#心靈支持#e分鐘

相關文章
每日$100好刻薄? 張頴康:彌補唔到老婆為家嘅付出
飛躍進步男藝員 張頴康
直播屙臭臭咁搞笑 張頴康冧「女」冇難度
爆張頴康生牛皮癬好得人驚 網民怒插滕麗名
夫妻自拍放閃特輯 張穎康:我非常之幸福!

推介文章
最叻星二代 倫子譚曉風攬女示眾
活在當下 曹永廉
買靜安區5千萬豪宅 城城跟妻女移居上海
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
我們的時光 Twins
按此閱讀臉書精彩內容

熱爆e+up


載入中…
x