扮野人定傻仔乜都得 郭晉安演活真正嘅「忠奸人」

Wed Nov 23 2016 22:00:18 GMT+0800 (中國標準時間)

撰文︰Take it e時

最近郭晉安喺新劇《致命復活》擔正,飾演俾人陷害囚於荒島10年嘅企業顧問,要化妝扮野人不特止,仲要為角色而激減20磅,真係出心又出力,好在首播後反應不俗,亦得到網民討論,甚至讚揚郭晉安好戲到有力問鼎視帝㖭!其實安仔入行30年,做過好多角色,無論係忠直定係大反派、傻頭傻腦定係搞笑幽默都拿捏得到,亦都入型入格,難怪可以3度登上視帝寶座,唔知你又鍾意邊個角色?

▲安仔為呢套戲真係「奮不顧身」。

《誓不低頭》─謝平安 (忠角)

要講郭晉安初期嘅代表作,可能你會覺得係《創世紀》入面嘅馬志強,但其實令安仔成名嘅係韋家輝喺1988年擔任編審嗰套《誓不低頭》,劇中佢飾演鄭少秋個仔,性格懦弱自閉,戲份都幾多㗎。

▲當年郭晉安24歲。

《創世紀》-馬志強

雖然喺劇中俾羆嘉良同陳錦鴻搶晒戲,但安仔假假地都係三大主角之一,喺劇中忠直純良,樂於助人,形象入屋討好,喺第二集仲同蔡少芬有感情線㖭!

▲原本許文彪呢個角色由郭晉安飾演。

《戇夫成龍》、《阿旺新傳》-丁常旺 (智障人士)

呢套劇集可以話將安仔事業推上高峰,當年安仔扮演因頭部重創令智力停留喺7歲嘅智障人士,喺劇中更娶咗「老婆仔」宣萱,最經典一定係玩洞房竟然係喺房用支竹「洞下洞下」就叫洞房。呢套劇令安仔首度登上視帝寶座,仲原班人馬添食,開拍時裝版《阿旺新傳》 ,成功將劇中二人合力嘅「老婆湯丸」推到街之巷聞,而安仔亦再度憑「阿旺」問鼎視帝。

▲「阿旺」呢個角色絕對深入民心。

《與敵同行》─唐立言 (奸)

唐立言呢個變態大反派,一反安仔過去純良嘅形象,劇中佢先殺人後嫁禍俾表兄鄭嘉穎,再恐嚇屋企人兼禁錮女友蒙嘉慧,奸得嚟又夠陰險,仲記得大結局唐立言爆Seed Solo兼對鏡頭講:I will be back!真係令人驚到入心。

▲呢個眼神嚇死人。

《忠奸人》─高哲行 (奸)

唔少人都話《忠奸人》入面嘅高哲行,其實就係另一個唐立言,呢句說話都錯唔晒,因為安仔喺劇中再度扮演奸角,不過奸得嚟又會有忠一面,所以為「忠奸人」,而安仔亦因呢套劇第三度贏得視帝。

▲呢種笑容,咪叫笑裡藏刀。

《老表!你好HEA》-林在野 (搞笑)

安仔喺呢套喜劇入面不及配角張繼聰搶鏡,但其形象同口頭蟬:「太唔organic」,成功留下不少深刻印象,扮完奸又扮搞笑,都難唔到安仔。

▲造型同野人有啲相似。


#郭晉安#傻#笑#忠#奸#角色#阿旺#唐立言#高哲行#與敵同行#阿旺新傳#忠奸人#致命復活#TakeItE時#熱話

相關文章
再爆《致命》結局 萬綺雯係終極Big Boss
民選視后視帝 胡定欣陳展鵬大勝
民選視帝率先投票
邊個係幕後黑手? 《致命復活》四大害安仔嫌犯
安仔阿旺上身 零成本自導自演

推介文章
最叻星二代 倫子譚曉風攬女示眾
活在當下 曹永廉
買靜安區5千萬豪宅 城城跟妻女移居上海
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
我們的時光 Twins
按此閱讀臉書精彩內容

熱爆e+up


載入中…
x