抱怨工作辛苦過消防救護 警察:22k起薪根本太少

Fri May 05 2017 12:46:30 GMT+0800 (中國標準時間)

撰文︰Take it e時

職業無分貴賤,行行皆辛苦,但未必人人都係咁諗。最近網上有位自稱做警察嘅網友,不滿經常被指「警察人工最唔應該高」,狂數工作辛苦過消防、救護,又指自己工作性質危險及大壓力過消防,直言「22k起薪根本太少」,評論一出,引起極大迴響,連任職消防員嘅網民都忍唔住出嚟反擊,直指:「工種唔同,各有各辛苦!」

警察:講危險,講壓力,講辛苦,一定係警察

呢位警察網民例舉出7大點以證工作辛苦過消防、救護,包括日曬雨淋、早中夜輪更、案件多、假期少、要撿屍,更要應附黑社會、隨時俾人偷襲等突發事項,又指「警察成2星期先得果(嗰)3日假仲要唔定,搞到斷6親」,反駁「消防返一日放2日、救護返2日放一日、番個半月返放7日」。

▲呢位警察認為工作辛苦過消防同救護。

網民:想人尊重你,請你先尊重下自己同其他職業先

有網民指,呢位警察舉嘅例子有偏頗兼不正確,例如所指嘅「救護返2日放一日」,實則係返3日放2日,一更12小時。有網民指出,救護及消防危險性比警察大,例如救護要冒險暴露於細菌、傳染病之中;而消防亦要攀山、入火場救人、有交通意外、自殺、拯救動物、小朋友等個案都要出動消防。網民認為,警察希望人哋尊重佢,同時都要識得先去尊重其他人。

▲網民普遍都唔認同警察嘅言論。

消防員:本身工種不同,各有各辛苦

有任職消防員10年嘅網民睇唔過眼,出POST反駁警察,指對方觀點係謬誤,例如所指嘅出車率低嘅問題,佢指高峰時試過一日去車26轉,平均一小時要落樓梯去一次,有時忙到連午餐都冇時間食,而且「撿屍」都係消防員職責之一,而非警察。最後,呢位消防員重申,工種不同,各有各辛苦,唔需要互相比較。

唔知你又點睇?

▲其實何須比較呢?

來源:公務員 Secrets

#公務員#消防員#警察#薪金#人工#e分鐘

相關文章
財爺:30多年的公務生涯「不可多得的奇妙旅程!」
忍忍忍~忍者日 日本公務員要咁着返工?
以自己性命拯救他人性命 向英雄消防員致敬
八號風球下照游水 阿伯冇力游反要消防員拯救
【許Sir安息吧!】淘大四級火殉職消防隊目舉殯

推介文章
最叻星二代 倫子譚曉風攬女示眾
活在當下 曹永廉
買靜安區5千萬豪宅 城城跟妻女移居上海
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
我們的時光 Twins
按此閱讀臉書精彩內容

熱爆e+up


載入中…
x