抽水定真心? 麥明詩稱鄭俊弘係TVB首席男歌手

Fri Apr 07 2017 17:10:22 GMT+0800 (中國標準時間)

撰文︰Take it e時

最近新聞多多嘅鄭俊弘,先係爆出有位拍拖3年嘅未婚妻,事後因uber事件而爆出原來一腳踏兩船,與何雁詩(Stephanie)暗中發展。結果鄭俊弘一夜間由「師奶殺手」變成「賤男」,甚至俾人改名做「阿Flirt」,家下阿Fred真係瘀到要搵窿捐,不過多得「十優港姐」麥明詩提醒,8/4佢同鄭俊弘會一齊同台演出。嗱,表面上係話俾大家聽佢同鄭俊弘出活動,實質上疑似抽水,當中一句「TVB首席男歌手」揀直係畫龍點睛。

▲呢個咁敏感時候仲提鄭俊弘....

話說麥明詩尋晚出po,表示自己兩日後會同鄭俊弘一齊出席活動,到時佢仲會同「TVB首席男歌手」一齊登台唱歌㖭!嗱,「TVB首席男歌手」呢個稱號,究竟係讚定踩呢?同埋呢個咁敏感時候仲提鄭俊弘,難怪有網民都搞唔清究竟係咪曲線抽水。

▲胡鴻鈞唱TVB主題曲多過鄭生。

歌手胡鴻鈞都有留咗個加油emoji,麥明詩都有贈佢一句:「定係你係首席?」

▲抽乾塘喇。

麥明詩係唔係抽水就唔知,但網民抽水就肯定㗎啦。有網民留言:「恭喜你呀,要call Uber嗎?」關Uber?鄭俊弘俾人踢爆偷食何雁詩咪因為一張Uber帳單囉。扒晒文嘅麥明詩似乎都知Uber事件,最後神回一句:「我搭地鐵都ok嘅。」呢下水真係抽到乾晒塘!

▲網民都分唔清麥明詩係唔係抽緊水。

網民除咗留言指麥明詩高質抽水之餘,亦叫麥明詩小心鄭俊弘,「唔好同佢有眼神接觸」、「我支持妳,但唔支持個男的」,有網民又抽水「此(麥明)詩不同彼(何雁)詩」、「曲到爆,抵我哋網民越來越愛你」。

究竟麥明詩係唔係抽緊水呢?

來源:麥明詩

#麥明詩#鄭俊弘#TVB#首席男歌手#抽水#胡鴻鈞#e分鐘

相關文章
十年內生3個仔女 麥明詩:佢哋考包尾都OK
e衫評 麥明詩 張秀文 膚色取勝
有智慧、夠敢言 網民激讚麥明詩:近年最高質港姐
專欄︱遊戲娛圈(林蕾)
e衫評 方中信隨意魅力 袁偉豪親切潮人

推介文章
汪明荃 不言休
1O1O呈獻:星星美食旅客 -食日本好「西」
老公囝囝溫馨炮製 謝安琪秘錄新歌賀女滿月
星星美食旅客 - 有牛有高潮
真我個性 龐卓欣
1O1O呈獻:星星美食旅客 -亞洲極速車手遇上牛肉超人
千嬅瞞老公着護士服牀戰 丁子高嬲爆離家
1O1O呈獻:星星美食旅客 -拜見壽司之父
電影世界中的香港 檢閱《攻殼機動隊》6大取景位
白只 不一樣的平凡
李錦聯孖助手 買魚撐枱腳
1O1O呈獻:極上VR放題 目黑搵蝦釣
按此閱讀臉書精彩內容

熱爆e+up


載入中…
x