排隊黨加黃牛玩晒 買飛睇演唱會係一種奢望?

Tue Sep 20 2016 14:35:41 GMT+0800 (中國標準時間)

撰文︰Take it e時

最近香港人朝早好忙,繼朝早起身撳IR搶iPhone7後,最近又有好多演唱會門票發售,周杰倫、鄭秀文、何韻詩、許冠杰、Supper Moment等等歌手樂隊門票火速秒殺,今朝歌神張學友跨年演唱會又係爭餐死,就算通宵排隊都敵唔過排隊黨,一票難求,難怪有人話,喺香港睇演唱會係一種奢望。

公開發售太少門票

以張學友四面台演唱會為例,竟然只係得1/5門票公開發售,而且仲要買人限買4張,難怪網友指係絕望座位表。其實唔只學友演唱會,近期周杰倫演唱會、現時舉行中嘅鄭秀文演唱會同樣只有極少門票公開發售,試問咁多人同時爭又點買呢?難怪好多人都鬧「的確離譜,剩返咁少位」、「公開發售唔使旨意會買到飛」。

▲只有不足2成門票公開發售。

內部認購

出嚟做嘢真係識人好,至少一定有著數。好似演唱會咁,通常有優先預售同埋公開發售,但兩者都唔係最快捷方便,內部認購先係最直接,因為只要識人兼留個名、幾多張,門票就輕易到手,唔使同人爭,慳好多時間。

▲朝中有人好辦事,想輕鬆買飛要搵人幫手。

排隊黨

其實上網買飛,效率點都唔及親自去排隊買飛,至少唔使瘋狂F5連售票網都入唔到,不過望住一大大大大大堆南亞人排晒隊同你搶飛,就算你幾早去排都唔及人哋成村人。

▲早極都早唔過排隊黨。

黃牛飛

香港人鍾意炒,炒iPhone、炒股,總之有得賺錢嘅嘢就一定炒。一張原價可能只係$480嘅門票因物以罕為貴而炒貴成一倍,舊年世界盃外圍賽亞洲區香港對中國門票更由$180炒到過千,黃牛飛?你有錢就買到,但你甘唔甘心俾人咁當水魚?

▲黃牛飛一向都有,但大部份歌手都唔希望歌迷會咁做。

其實咁辛苦搞咁多嘢,只不過係想睇場演唱會啫……..


#演唱會#內部認購#公開發售#排隊黨#黃牛飛#香港#奢望#TakeItE時#即時

相關文章
衛蘭明年一月紅館開騷 網民點歌:全部都想聽!
「大男孩」復出樂壇 鄧健泓:年尾演唱會你會嚟嗎?
「滾」錯保安 周杰倫拍片道歉
成功入紙賀出道15年 Shine:2018年3月紅館見!
唱到去倫敦 Supper Moment衝出國際無盡旅途

推介文章
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
我們的時光 Twins
狠飛太極Ricky 戴夢夢澳門攬佬
舌戰7女星談情說性 黃浩被阿嬌KO
一個人  湯寶如
按此閱讀臉書精彩內容

熱爆e+up


載入中…
x