撐阿詩演唱會夠氣氛 阿澤:最震撼人心的一個

Mon Oct 10 2016 12:44:48 GMT+0800 (中國標準時間)

撰文︰Take it e時

千辛萬苦先拎到紅館期嘅何韻詩,其《Dear Friend》演唱會已經完成咗3場,今晚就會上演最後一場,除咗阿詩自己好有感觸之外,被阿詩笑稱為「Goo Music intern 攝影師」巳嘅杜汶澤亦有感而發,大讚阿詩演唱會係「看過的演唱會氣氛最好、最震撼人心的一個」,甚至喺演唱會中感受到一種「鄰里」之心。

▲早前阿澤去信「應徵」做何韻詩演唱會攝影師,最終獲任用。

一連三日都喺會場擔任大會攝影師嘅阿澤,喺FB分享連日嚟嘅感受,佢讚揚何韻詩演唱會係「看過的演唱會氣氛最好、最震撼人心的一個」,當中亦冇「沒有政治綁架,只有藝術成就。」,又認為「每晚都感動了萬餘個香港人。」。

▲觀眾自行亮觀手機電筒,令漆黑瞬間變成星海。

大部份歌手開演唱會例必有一大棚花牌,但何韻詩早喺FB呼籲盡量唔好送花牌,又響應環保叫觀眾唔好帶螢光棒,難怪阿澤入到後台覺得以往演唱會形成鮮明對比;又認為就算冇咗一班「偽人」,依然有一班「親朋摯友」撐場。

▲功利主義下,不計利益嘅人又有幾多?

最令阿澤欣賞嘅係,香港依然有紅磡體育館呢個唔係利字當頭嘅舞臺,希望透過鏡頭紀錄低每一刻,俾大家知道「世上不只得榮辱,還有一種東西叫鄰里」。

▲入得場就係支持何韻詩。

雖然政治因素令何韻詩喺各方面出現不少制肘,但勝在仍然有欣賞佢同支持佢嘅人,令佢以喺黑暗之中找到光芒,如同佢喺演唱會所講:「呢度睇落黑色一片,但其實當中收埋好多希望。」

圖片來源:杜汶澤FACEBOOK

#杜汶澤#何韻詩#演唱會#dearfriend#氣氛#最震撼人心的一個#e分鐘#TakeItE時

相關文章
放閃慶祝12周年 田蕊妮:結婚係接受彼此嘅不完美
《警訊》加插惡搞元素 杜汶澤、鄭中基寸爆:睇唔落
唱《海闊天空》就有民主? 杜汶澤實測:戇X
另類隱世歌手? 杜汶澤獨特歌聲老是常出現
劣食臭海膽入院 杜汶澤賤價做食騷

推介文章
最叻星二代 倫子譚曉風攬女示眾
活在當下 曹永廉
買靜安區5千萬豪宅 城城跟妻女移居上海
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
我們的時光 Twins
按此閱讀臉書精彩內容

熱爆e+up


載入中…
x