《救殭清道夫》再掀熱潮? 港產殭屍片嚇足三十年

Mon Mar 27 2017 11:45:00 GMT+0800 (中國標準時間)

撰文︰Take it e時

外國有好多喪屍題材嘅電影,但睇得太多可能都會厭。咁啱最近上映嘅電影《救殭清道夫》,再次令大家討論返港產殭屍片,咁不如趁機重溫睇返香港嘅經典殭屍電影啦。唔同年代嘅出品各有獨特風格,一定俾到你唔同嘅感受。

1980 - 1990年代

當年電影《殭屍先生》帶起殭屍題材嘅電影熱潮,加上林正英飾演道長嘅演繹深入民心,嗰時嘅殭屍片系列好多套都係經典。傳統嘅殭屍造型,配上陰冷嘅電影氛圍,可以話奠定咗港產殭屍片嘅基調。

▲ 林正英嘅道長形象,實在太經典。

▲傳統嘅殭屍造形。1988年《殭屍叔叔》入面嘅殭屍直頭進化埋,仲要用毒藥先殺得死。

▲當時亦盛行「搞笑殭屍片」,《猛鬼差館》就係其中一套經典。

1990 - 2000年代

搵返「道長」林正英出馬開拍殭屍單元系列,再次掀起殭屍題材嘅熱潮。可惜林正英其後因肝癌離世,令影迷痛心之餘,將要開拍嘅劇集都無法繼續下去……但後來劇集《我和殭屍有個約會》推出,唔單止完全顛覆咗傳統嘅殭屍形象,更將殭屍熱潮推上高峰。富時代感嘅劇情加上揉合中西色彩嘅背景,重新喺觀眾間帶起殭屍熱潮。無數人當時都日日追劇,你又係咪其中一個呢?

▲《我和殭屍有個約會》系列,好多人都翻睇再翻睇。

▲富西方吸血鬼色彩嘅殭屍形象。

▲電影好似《愛上屍新娘》,仲玩埋人鬼戀,勁破格勁激!

2010年代

《殭屍》起用返唔少80年代嘅殭屍片演員,熟悉嘅面孔加上佢哋早已爐火純青嘅演技,絕對令殭屍片迷未睇已經好期待。加上《殭屍》喺傳統中亦見創新,亦比一般殭屍電影更著重人性同感情嘅刻畫,可以話係殭屍片經典。

▲吳耀漢嘅殭屍形象實在太經典!

▲《殭屍》添加唔少特技視覺元素,。喺殭屍風潮減退嘅當時,都令殭屍迷幾驚喜。

今日

最近上映嘅《救殭清道夫》,演員陣容強大,所以電影都吸引到唔少冇乜接觸殭屍片嘅影迷入場。喜劇元素同唔少致敬場面,加上充滿喻意嘅劇情,電影都收到唔少觀眾嘅好評。唔知殭屍風潮會唔會有再嚟嘅一日呢?

▲咁有現代感嘅殭屍,係咪好特別?

▲搵嚟近年好紅嘅馬來西亞美女明禎演殭屍,驚嚇度少啲,反而有幾分可愛~


#經典#電影#殭屍#林正英#吳耀漢#明禎#TakeItE時#熱話

相關文章
衛蘭重唱經典作《大哥》 歌迷:好似帶返我去2005年咁
出道27年開首次個唱 彭家麗當年經典靚聲
F4杉菜「復出」? 《流星花園》16週年宣布重拍
90年代最紅「歌女」回歸 陳松伶經典代表作重溫
《尋秦記》不滅經典 再見武俠小說大師黃易

推介文章
汪明荃 不言休
1O1O呈獻:星星美食旅客 -食日本好「西」
老公囝囝溫馨炮製 謝安琪秘錄新歌賀女滿月
星星美食旅客 - 有牛有高潮
真我個性 龐卓欣
1O1O呈獻:星星美食旅客 -亞洲極速車手遇上牛肉超人
千嬅瞞老公着護士服牀戰 丁子高嬲爆離家
1O1O呈獻:星星美食旅客 -拜見壽司之父
電影世界中的香港 檢閱《攻殼機動隊》6大取景位
白只 不一樣的平凡
李錦聯孖助手 買魚撐枱腳
1O1O呈獻:極上VR放題 目黑搵蝦釣
按此閱讀臉書精彩內容

熱爆e+up


載入中…
x