新派韓食自助餐

Sat Jun 24 2017 13:00:59 GMT+0800

撰文︰美食旅客

鮑魚 配 芝士撻?
韓牛肩泡菜 配 茶漬飯?
卡邦尼 配 韓式大蜆年糕?
韓式人參雞湯 配 河蝦?

配搭咁新鮮,食自助餐一次過可試勻晒!

講起韓國美食,第一時間諗起辣中帶酸嘅泡菜。7月至8月可以一次過品嚐得到!呢次自助餐大廚炮製多款刺激味蕾嘅開胃菜式。韓式火灸芝士松露炸雞火熱登場,雞腿先以泡菜汁醃製,再沾上一層薄薄麵粉落滾油中炸至金黃,加入黑松露醬與炸雞肉拌勻,然後加入車打芝士及水牛芝士一齊焗,入口豐富味美。卡邦尼炒韓式大蜆年糕係韓國辣炒年糕嘅改良版,醬汁用韓式大醬加泡菜汁及淡忌廉調製,極之惹味,最後以蛋黃漿攪勻,帶有米香嘅年糕味道更加出色。

韓牛肩泡菜茶漬飯,帶點日本風,大廚將牛肉輕輕灼熟,使湯飯更能吸收牛肉嘅鮮甜味。湯底加入以牛骨餚製5小時、配合醒胃泡菜,令人胃口大開。不得不提,新鮮出爐嘅鮑魚芝士撻,絕對係自助餐必試嘅人氣之選!

新鮮出爐嘅鮑魚芝士撻,是必試之選!

卡邦尼炒韓式大蜆年糕,韓式大醬加泡菜汁及淡忌廉調製,非常惹味。

韓牛肩泡菜茶漬飯,半生熟牛肉配湯飯,相當鮮甜。

韓式大醬燴海螺,帶點微辣,唔好辣嘅你都可一試!

韓式人參雞湯燉雞食得多,配以浸鮮河蝦,你又試過未?

韓式潮食自助餐
地點:沙田麗豪酒店3/F - 濠餐廳
收費:自助午餐
星期一至五 成人$258,長者$208,小童$168
星期六、日、公眾假期及前夕 成人$298,長者$238,小童$198

自助晚餐
星期一至五 成人$488,長者$358,小童$268
星期六、日、公眾假期及前夕 成人$548,長者$378,小童$298
查詢:2132 1040


#美食旅客#飲食#新派韓食#韓牛#泡菜#芝士撻#炒年糕#人參雞湯#自助餐#一次過試勻

相關文章
鹹酸微辣 仙露蘿蔔漬
【跟住爸爸食燕窩】唔使一嚿水 燕窩食滿咀
【一人食】榨菜肉絲煲仔飯
難以入口 墨西哥酒吧餐廳
打開君悅的神秘盒子

推介文章
【跟住爸爸食燕窩】唔使一嚿水 燕窩食滿咀
最叻星二代 倫子譚曉風攬女示眾
活在當下 曹永廉
買靜安區5千萬豪宅 城城跟妻女移居上海
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
按此閱讀臉書精彩內容

熱爆e+up


載入中…
x