日本Lego神人新作 識郁嘅迴轉壽司店

Sat Mar 05 2016 14:15:00 GMT+0800 (中國標準時間)

撰文︰Take it e時

Lego嘅組合變化多端,想砌乜都得,所以不時都有高手推出令人意想不到嘅作品。而日本最近就有網民用Lego砌咗間迴轉壽司店出嚟,唔單止細節齊備,仲要像真度極高。最勁嘅就係條壽司帶真係識「迴轉」,睇過嘅人都話勁!

▲無論人物表情、店舖設施、壽司等等,細節全部做到足。

呢個叫Dr.Peisan嘅Lego迷,不時都喺網上分享作品,而今次嘅迴轉壽司店,佢可以話係落足心力。除咗不斷研究組合唔同嘅配件,最重要嘅「壽司運輸帶」更加係經過多次嘗試先成功整到,少啲心機都唔得。唔知佢下一件作品會係咩呢?

▲運輸帶砌到識郁,不得不佩服。

▲客人品嘗壽司,師父就切緊刺身,好有動感。

▲整火炙壽司嘅場景都真實還原。

▲壽司特寫,件件都整得好有心思。

▲原來一開始係砌咗條運輸帶先。

▲配上電子裝置就可以令到條帶郁喇!

▲最後再慢慢砌上各樣部件,咁就大功告成!

▲之前參考電影《末日先鋒:戰甲飛車》嘅場景創作。

▲佢亦曾以瀑布為題進行創作,成品一樣好正!


圖片來源:Dr.Peisan@レゴ回転寿司職人 twitter

#日本#Lego#達人#迴轉#壽司#創作#TakeItE時#熱話#推介#影片

相關文章
日本過江龍 $200食廿件炸雞山
日本做主持搞鮑魚店 黃浩見中田英壽多過老婆
【日本直送】 限定鮮果甜品
松田龍平變身毒男 夏威夷追女神
【跟住爸爸去鳥取】怪獸公園坐極速飛船

推介文章
最叻星二代 倫子譚曉風攬女示眾
活在當下 曹永廉
買靜安區5千萬豪宅 城城跟妻女移居上海
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底