昔日星爺嘅黃金拍檔 吳孟達:仲有機會合作

Tue Feb 07 2017 10:00:28 GMT+0800 (中國標準時間)

撰文︰Take it e時

提起星爺嘅拍檔,第一時間你會諗起邊個?相信係非吳孟達莫屬。自1989年《蓋世豪俠》及《他來自江湖》後,吳孟達同周星馳開始一齊合作,有星爺嘅地方就有達叔嘅出現,絕對係星爺無厘頭笑片當中一個不可或缺嘅重要元素。不過自從2001年《少林足球》之後,兩人就冇再合作,更何況最近上演嘅《西遊伏妖篇》?二人甚至被傳不和,最近吳孟達接受大陸訪問時就一一解釋所有誤會,指稱從未有跟對方不和,甚表示彼此仲有機會合作。

▲兩位曾經係合作無間嘅好拍檔。

點解星爺過去幾套作品都冇自己份,達叔表示只係角色唔啱。佢指,《功夫》本來有一角色係屬於自己,但因為SARS延期拍攝與原先計畫撞檔,同時咁啱又換公司,所以放棄演出;冇份參與《長江七號》只因冇適合角色,更搞笑咁話,落魄嘅老豆角色,星爺比自己演得更加好。咁隨後嘅《西遊》系列?《美人魚》?點解又冇份?達叔就冇回應,可能答案都係一樣:「冇適合角色。」

▲達叔承認同星馳仲有合作機會,但否認不和。

雖然已經16年冇出現於星爺作品,但又唔代表不和嘅。達叔表示自己從未同星爺不和,更表示大家依然有機會合作,只要俾錢即可,更搞笑咁指自己拖累咗對方,否則星爺嘅電影會好十倍。而根據陸媒消息,星爺打算夏天開拍《功夫2》,演員名單中更有大家期待已久嘅達叔,至於係咪真,就要等星爺自己公布啦。

▲星爺當年都拍過西遊記扮孫悟空,直到依家仲係好多人眼中嘅經典。

不過話分兩頭,星爺最近套《西遊2》甚佳,香港票房已超過2,000萬,成為今年賀歲片票房冠軍,內地累積票房更超過14億人民幣,打破去年《美人魚》開畫票房紀錄,但評價同票房似乎不成正比,觀眾指作品笑點欠奉,翻抄以往舊作,毫無新意,連戲中都有一句對白疑似自嘲:「又係呢條橋?有冇新啲㗎?」作為導演之一嘅星爺點會唔知,而佢早前亦承認自己已江郎才盡……

江郎才盡是真的,不是開玩笑。但這是現實啊,就是要面對。不然怎樣呢?是不是就算了?可是我又非常喜歡拍電影,我相信會有很多方法得到新的創意,你不放棄的話,創意從任何地方都能得到,雖然它愈來愈困難。

▲此情不再?定係再續前緣?

普遍觀眾喜歡星爺演戲多過執導,期望佢會再次出嚟演返戲,唔知日後作品,會唔會見到星爺演出?甚至同達叔一齊再次現於大銀幕上?


#周星馳#吳孟達#達叔#星爺#合作#TakeItE時#熱話

相關文章
把握時機 陳國坤
差啲說服到星爺出鏡 林子聰:佢初時有啲心軟
金像獎提名公布 《七月與安生》獲12項提名勝星爺
羅家英一出 周星馳冇聲出
飲酒夜蒲俾徐克寸 周星馳好失威

推介文章
《溏心3》搞笑!Bosco細31年做司棋姐細佬
網民同推做視帝 王浩信馬明你揀邊個
大人細路爭住玩室內賽車場
【日本賞楓新角度】 鳥取坐滑雪吊車睇秋色
3招健胸操
【撐小店】希望在明天
鄭丹瑞寸麥美恩:麥明詩十優,你久休!
【孖你做瑜伽】 中級雙人背部伸展
【孖你做瑜伽】 搵個partner幫你輕鬆拉筋
【跟住爸爸食燕窩】唔使一嚿水 燕窩食滿咀
最叻星二代 倫子譚曉風攬女示眾
活在當下 曹永廉
按此閱讀臉書精彩內容

熱爆e+up


載入中…
x