最型「東邪」苗僑偉 《射雕英雄傳》歷代黃藥師盤點

Wed May 31 2017 23:00:00 GMT+0800 (中國標準時間)

撰文︰Take it e時

依家無綫播緊嘅內地版《射鵰英雄傳》,唔單止靚女演員多,型男都唔少。好似最近終於登場、由三哥苗僑偉飾演嘅黃藥師,就令觀眾眼前一亮,唔少人都讚佢型英帥靚正!而其實過往咁多代《射鵰英雄傳》,演得黃藥師嘅男演員,一樣個個都魅力非凡,你又最鍾意邊一代呢?

苗僑偉

雖然只係啱啱登場冇耐,但無論係黃藥師嘅「瀟灑英姿」,定係嗰份亦正亦邪嘅脾性,三哥嘅演繹都非常精湛。曾經喺1983年《射鵰英雄傳》演楊康,如今新版演黃藥師,三哥依然係咁Chok咁型,難怪咁受觀眾歡迎啦!

▲型到極點嘅三哥!隔住個螢幕都忍唔住尖叫……

▲完全係霸氣英氣兼具~

黃秋生

雖然形象同觀眾想像中有少少出入,但黃秋生影帝級嘅演技,令到呢個版本嘅黃藥師更有戲味。「邪」嘅神態固然表現得無懈可擊,演繹黃藥師複雜嘅內心世界更係一絕,可以話係愈睇愈有味道。

▲黃秋生演出黃藥師狂放一面。

▲配上影帝級嘅演技,你又鍾唔鍾意呢位黃藥師呢?

駱應鈞

由駱應鈞演嘅黃藥師,當年非常受觀眾熱愛。喺駱應鈞生動傳神嘅演技表現下,黃藥師瀟洒不羈嘅一面活靈活現,令人自此對呢位「邪老頭」印象特別深刻。呢個版本絕對係最經典。

▲當年呢對「父女」配搭,真係睇到唔少人入晒戲。

▲好彩今日都後繼有人……

姜大衛

充滿英氣嘅姜大衛,喺演黃藥師「倜儻飄逸、風姿雋爽、湛然若神」嘅一面,可以話係非常適合。外形上符合、神態演技亦冇得輸,要形容姜大衛版嘅黃藥師,簡單嚟講四個字就得:形神俱似。

▲呢個黃藥師特別有正氣。

▲相信電視迷都好懷念。

曾江

被電視迷喻為經典嘅曾江版黃藥師,即使過咗咁多年睇返,依然係咁正。除咗演活咗黃藥師嗰份孤傲嘅性情,曾江時刻透露住邪氣嘅演技,亦完全將「東邪」嘅「邪」生動咁表現出嚟,論邪氣嚟講,其他版本難以企及。

▲當年曾江嘅黃藥師都迷倒不少觀眾……

▲奸邪嘅神態演得最傳神。


#黃藥師#苗僑偉#黃秋生#駱應鈞#姜大衛#曾江#射雕英雄傳#TakeItE時#熱話

相關文章
專欄︱當楊康變成黃藥師(林蕾)
網民同推做視帝 王浩信馬明你揀邊個
率先爆《使徒2》10集劇情 袁偉豪騷肌露股救翠如
《使徒行者》拍前傳 黃翠如周柏豪都有份!?
唔選港姐轉做攝影師 苗僑偉大女苗彤搶晒鏡

推介文章
米芝蓮大廚教煮住家菜(下)
美心妹妹帶你年假放電 SuperPark三個必玩game
誰能明白我 何綺雲
荔枝角蛋包飯 聾人主理
狗年迎春攻略 Mall姐呼籲領養 玩人狗瑜伽 教毛孩逗利是
狗年迎春攻略 Mall姐呼籲領養 玩人狗瑜伽 教毛孩逗利是
陳蕊蕊、肥腸 醒你情人節冧招(伴侶篇)
闖出我天地 杜麗莎大女T.V. Carpio
裸妝最強! 5大Cushion粉底
Coffee帶你跟紅星辦年貨 買大細契咖啡瓜子 發哥臘腸
到首爾尋找1++A 級的韓牛
【孖你做瑜伽】瑜伽幫你輕鬆減壓(下)
按此閱讀臉書精彩內容

熱爆e+up


載入中…
x