有智慧、夠敢言 網民激讚麥明詩:近年最高質港姐

Tue Feb 21 2017 11:59:20 GMT+0800 (中國標準時間)

撰文︰Take it e時

唔少藝人都會避忌談論政治話題,因怕講多錯多而選擇封口,寧願置身事外,隻字不提,不過唔代表每一個藝人都一樣,好似港姐出身嘅麥明詩,不旦冇因藝人或港姐身份而對政治話題避而不談,反而用自身學識講解唔少人並不認識嘅法律,令網民對呢位本嚟「超級離地」嘅「十優港姐」改觀,讚賞對方有膽色、夠敢言、甚至係近年最出色嘅貼地港姐。

▲麥明詩再發表千字文講解自己對法治嘅理解。

一向關心時事嘅麥明詩,近期言論甚出位,連日喺FB就七警法庭判決而發表個人看法。早前麥明詩已表明立場,認為「無論邊個打邊個都應負刑責,呢個就係法治」,又認為「七警案」對自己嚟講唔係政治問題,而是基本法治原則,直到尋日,曾修讀法律嘅佢又再發表千字文講解自己對法治嘅理解。

簡單嚟講,麥明詩認為世界沒有完美制度,亦沒有完全客觀中立嘅判決,只有一直不懈地追求,「一個離公義最近的位置。」司法制度追求程序公義;有程序公義嘅法庭,疑點歸於被告;而司法制度遵從案例法,需求法官遵從判決先例,保持貫徹性。但因為人係感情動物,會有情緒,會衝動做錯事,亦因如此,人類需要刑罰來阻嚇,要犯錯嘅人付出代價。每個人若憑自己嘅尺去量度乜嘢情況足以成為合法打人,已經違背建立法治精神。

▲網民大讚麥明詩更敢言。

言論一出,網民激讚麥明詩夠敢言、有guts,亦大讚係「美貌與智慧並重」、「係香港小姐的典範」,更表示行文非常流暢兼有邏輯,係「有智慧嘅女性代表」、「最欣賞既(嘅)香港小姐」、甚至直言要封佢做偶像。

▲ 麥明詩絕對係一位「美貌與智慧並重」嘅高質港姐。

其實麥明詩曾經被批評喺過份強調自己係「劍橋」出身,太造作,係「超級離地」嘅港姐,加上麥明詩本身家底好又攞過「十優」,高調當選港姐時不太受網民歡迎,但經過一連串社會事件後,大家對麥明詩嘅觀感同態度明顯改變,如今更獲得讚賞,呢啲咪叫公眾人物應有嘅影響力囉!

來源:麥明詩

#麥明詩#法治#港姐#十優#七警#法律#高質#敢言#貼地#e分鐘

相關文章
無視「限奶令」 邵珮詩張秀文拋十號波
無綫小花騷歌喉 邊個唱得最好聽
鄭丹瑞寸麥美恩:麥明詩十優,你久休!
率先爆麥明詩做臥底 黃翠如自爆身份遇險
e衫評 田蕊妮有觸覺 麥明詩似垃圾桶

推介文章
【孖你做瑜伽】瑜伽幫你輕鬆減壓(下)
愛家的男人 黃浩然
放蛇試明星麵 麥包小儀慘敗 牛雜妹完勝
包無投訴 粉紅餐廳
彈弓吊索健身 蘇慧恩飛天收腰
【余此好味】富貴滋補 葱油涼拌蟲草花
【跟住爸爸食麻神】台灣過江龍麻神 開門七件事
祖藍大讚神秘女歌手 原來係杜麗莎大女
【跟住爸爸食麻神】黃浩教路食乜最好
皮膚又痕又乾 中醫教食無花果
燈影蓮藕 伴香煎北海道帶子皇
新咪神黃文意 VR健身練馬甲線
按此閱讀臉書精彩內容

熱爆e+up


載入中…
x