【有線到無綫】女神的抉擇 鍾意李佳芯定黃翠如?

Sat Nov 05 2016 19:10:45 GMT+0800 (中國標準時間)

撰文︰Take it e時

要講近期好紅嘅無綫女藝人,非李佳芯(Ali)莫屬。2012年,Ali同唔少有線藝人一齊過檔無綫,包括洪永城、黃翠如等等,捱咗4年終於可以擔正做女主角,但最近有指Ali同翠如BB傳不和,仲指佢哋由有線鬥到無綫㖭!不過都係傳嘅嘢,兩人異口同聲否認,其實兩個各有各好,同樣好受觀眾歡迎㗎。

樣貌

兩位都係高登巴打嘅女神,相貌自然有番咁上下,BB呢個稱號,幾近係黃翠如嘅專用稱呼㖭,不過自從黃翠如被「o雪o雪o雪」私有化、加上久未拍劇,仲有些少負面新聞,翠如BB喺巴打心目中似乎已屬於過去式;李佳芯早排先播完由佢擔正嘅《律政強人》,仲有做配角嘅《巨輪2》,仲未數依然做緊嘅《學是學非》,出鏡頻頻,自然深得網民鍾意啦。

▲兩位都咁靚女。

際遇

黃翠如入行時有個朵叫「周星馳御用主持」,事關喺有線娛樂新聞台做主播時經常訪問周星馳。其後轉型做主持,以旅遊節目為主,更環遊世界,拍咗《地平線上這個世界那些人》。07年轉投過Nowtv,及後又重返去有線,直到2012年轉投tvb,現為力捧女藝人。至於李佳芯,入行前做過模特兒,喺有線時期主持多個綜藝節目,例如《空間大改造》,亦同黃翠如一樣拍過旅遊節目。2012年轉投無綫,雖然當時未係力捧,亦有穩定出鏡機會,近期更加上位㖭!

▲兩個都係先做主持後拍劇。

演技

兩位入行時都係做主持居多,直至轉投無綫先開始拍劇。兩個初時拍劇都被網友批評唔識做戲好生硬,黃翠如比較嚴重啲,因為佢一入無綫就力捧拍劇,浸都冇得浸,而且大多數角色都係比較大癲大肺、富正義感嘅男仔頭,予人有「煩膠」嘅感覺;至於李佳芯初時演出機會較少,做主持居多,後期由配角慢慢做到上女主角,演技未算爐火純青,但勝在戲路夠闊,做情婦得,做專業人士得,做奸角亦得,得咗!

▲你又覺得佢哋演技又點?


#李佳芯#黃翠如#ali#翠如bb#tvb#花旦#TakeItE時#熱話

相關文章
李佳芯男友陳炳銓 街頭狂冧甩拖唐詩詠
專欄︱講句拍拖真係咁難?(林蕾)
e衫評 李佳芯太臃腫 朱晨麗錯晒
《踩過界》第二季改結局 墮海李佳芯突然翻生
爆《踩過界》第2季悲慘結局 醫好眼見朱千雪慘死 李佳芯墮海亡

推介文章
最叻星二代 倫子譚曉風攬女示眾
活在當下 曹永廉
買靜安區5千萬豪宅 城城跟妻女移居上海
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
我們的時光 Twins
按此閱讀臉書精彩內容

熱爆e+up


載入中…
x