【未解決!】「巴士阿叔」10週年 回顧當年迴響有幾大?

Wed Apr 27 2016 21:00:44 GMT+0800 (中國標準時間)

撰文︰Take it e時

「巴士阿叔」呢段經典Youtube片,相信冇乜人仲未睇過。三下「未解決!」加一句「你有壓力、我有壓力」成為茶餘飯後嘅熱話,連時任特首曾任權落區時,亦曾打聽巴士阿叔下落。適逢今日(4月27日)就係呢段片嘅十週年,呢段日子,香港人俾當日更有壓力,好多嘢仍然未解決,加上網絡發達,唔再係拍低清版,放上網公審已非新鮮事,原來10年間變咗咁多,就趁呢個時候,時光倒流一下,回到當時嘅香港。

事緣

一位青年不滿前座嘅阿叔講電話太大聲,於是輕拍阿叔肩膀,示意佢將聲量收細,點知阿叔覺得被人挑釁冒犯,隨之反擊。期間青年一度息事寧人,但阿叔繼續咄咄逼人,又要求與對手「揸手」講數,更粗口連篇,結果被鄰座乘客拍低放上網。

▲當年拍片質素高清極有限。

當時社會風氣

10年前,FB仲係處於發展階段,Youtube亦只係成立咗一年,要即時share其實冇乜選擇;手機唔係用Sony Ericsson就係Nokia,仲要係非智能嗰隻,可想而知拍攝質素有幾高清。當年,拍攝者正正用住Sony Ericsson W800i,以低清手法拍低呢段精彩罵戰,隨後以「x尚義聲線高壓呀叔搭巴士途中問候後生仔」為題up上Youtube,唔少人因為呢段片先知道有Youtube呢個平台㖭,難怪網民笑稱巴士阿叔係「Youtube之父!」

▲呢段片算唔算喺開創香港拍片放上網嘅先河?

影響

當年影片曝光,旋即成為熱話,僅僅一個月就有700萬人瀏覽。各大報章皆人肉起底,誓要搵出呢位「巴士阿叔」。由於聲線與林尚義(阿叔)極其相似,加上上傳者以「x尚義」為題,一度誤以為「巴士阿叔」就係林尚義㖭!其後拍攝者、巴士阿叔以及涉事者分別亮相不同媒體,仲有傳媒特登安排巴士阿叔同涉事者嚟個「世紀握手」㖭,就連英國衛報及美國紐約時報都有報道呢件事,「巴士阿叔」一躍成為香港家傳戶曉嘅人物,更發現原來巴士阿叔曾經五度參選特首㖭。

▲衝出國際呀!

金句

《巴士阿叔》能夠成為經典,唔單只夠出位,而且片中附帶唔少精彩鬧人金句,句句精警,更成為一時新興嘅流行用語,包括:

未解決!未解決!未解決!
你有壓力,我有壓力,你做咩挑釁我啊!?
唔揸手即係未掂啦?未掂即係要搞到掂啦?
你依家係咪好好打先?

▲「未解決!」一度成為港人口頭禪。

二次創作

當年《巴士阿叔》曾被修剪逾50個不同版本,有消音版、有字幕版、有remix版、更有普通話版㖭,惟獨就係冇高質版。當年唔少廣告商利用短片話題,推出精品及宣傳包。無綫直播06年世界盃,亦特登搵林尚義惡搞巴士阿叔,以「快樂足球冇壓力」為宣傳口號。呢段片,幾乎開創咗前所未有嘅集體創作浪潮。

▲由阿叔扮返巴士阿叔,經典呀!

▲咁就10年啦.....

網民亦有開post討論,大嘆不經不覺就10年,唔知呢10年,大家又過成點呢?


#巴士阿叔#阿叔#林尚義#陳乙東#youtube#經典#手機#短片#壓力#未解決#TakeItE時#熱話

相關文章
你有壓力我有壓力 巴士阿叔叉頸大混戰
衝門阻閂閘賴死唔走? 港鐵阿叔:你落車行路吖!
永遠的「古惑仔牧師」 懷念阿叔林尚義
阿叔巴士激戰後生仔 「納爾遜色鎖」重現人間
【薑愈老愈辣】後生仔紮馬撩交打 阿叔用袋KO

推介文章
【跟住爸爸食燕窩】唔使一嚿水 燕窩食滿咀
最叻星二代 倫子譚曉風攬女示眾
活在當下 曹永廉
買靜安區5千萬豪宅 城城跟妻女移居上海
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
按此閱讀臉書精彩內容

熱爆e+up


載入中…
x