李佳芯x劉佩玥x楊秀惠 邊個先係最強小三?

Sat Nov 26 2016 20:58:00 GMT+0800 (中國標準時間)

撰文︰Take it e時

做藝人,最開心就係可以嘗試到唔同角色,尤其喺現實唔想發生嘅事,可以喺演戲中一一現實,好似「小三」呢個身份,邊有人想做㗎?不過一班女藝人好專業,一係唔做,一做就要做到最似,以下呢班女藝人,最近就憑「小三」角色彈起,贏得觀眾讚賞,唔知你又覺得邊個最神似?

劉佩玥

劉佩玥一向俾人清純乖女嘅感覺,但最近喺《幕後玩家》一反形象,做專搞人老公嘅「小三」,第一集仲嚟個大解放,以性感吊帶睡衣誘惑黃宗澤,其後劇情仲不斷色誘Bosco,好多網友睇完都大讚原來乖乖女嘅Moon都可以「姣」得起!日前佢先喺劇入面俾「愛人」黃宗澤鬧到喊,但睇到阿Moon喊成咁又唔知點解有啲可憐分加。

▲阿Moon喺《幕後玩家》真係搏到盡。

楊秀惠

有身材又有42吋長腿嘅楊秀惠,都唔係第一次扮演小三或者情婦呢啲角色,加上個樣夠妖豔,把聲又有啲歪歪地,係女人都會忌佢3分嗰隻。喺《來自喵喵星的妳》出盡力勾引人夫陳豪,真係睇到網友流晒鼻血。

▲楊秀惠有身材又有樣。

李佳芯

講起「小三」,真係不得不提上位甚快嘅李佳芯。兩年前喺《名門暗戰》扮小三已經出晒位,加上有幾分姿色,甚有邪花味道,難怪網民都稱佢為「最強小三」。雖然Ali正努力擺脫「小三」形象,但由於Ali真係太有魅力,難以令人唔標籤佢係「小三」,當然,現實中嘅就唔係任何人嘅「小三」。

▲李佳芯被網民稱為「新一代御用姣花」。

▲三位都曾經做過唔少人嘅「小三」.....喺劇集入面。

除咗以上三位,Tvb亦有其他演「小三」又或者好有「小三」形象嘅女藝人,例如沈卓盈、高海寧、許亦妮、康華等等,全部都係又靚又有身材嘅女星,唔通女藝人要出位,非靠做「小三」不可?


#小三#李佳芯#楊秀惠#劉佩玥#幕後玩家#來自喵喵星的妳#名門暗戰#TakeItE時#熱話

相關文章
《溏心3》戲肉嚟喇喂 敏之唐文龍浴室激戰
專欄︱寧俾人知莫俾人見(林蕾)
洗米華為免觸怒老婆 豪送3億禁Mandy回港
外遊缺席TSA公聽會惹批評 吳克儉:條氣好唔順
搭上嫩口女助理 傳何韻詩鄧九雲已分手

推介文章
到首爾尋找1++A 級的韓牛
【孖你做瑜伽】瑜伽幫你輕鬆減壓(下)
愛家的男人 黃浩然
放蛇試明星麵 麥包小儀慘敗 牛雜妹完勝
包無投訴 粉紅餐廳
彈弓吊索健身 蘇慧恩飛天收腰
【余此好味】富貴滋補 葱油涼拌蟲草花
【跟住爸爸食麻神】台灣過江龍麻神 開門七件事
祖藍大讚神秘女歌手 原來係杜麗莎大女
【跟住爸爸食麻神】黃浩教路食乜最好
皮膚又痕又乾 中醫教食無花果
燈影蓮藕 伴香煎北海道帶子皇
按此閱讀臉書精彩內容

熱爆e+up


載入中…
x