李光洙都退出《RM》? 經紀公司:商議中

Thu Dec 15 2016 11:53:33 GMT+0800 (中國標準時間)

撰文︰Take it e時

最近《Running man》再次成為全城熱話,但可惜今次同以往唔一樣,係一個令粉絲傷心嘅消息,事關《Running man》決定改版,繼Gary退出後,元老級成員宋智孝及金鐘國亦齊齊退出節目,7人瞬間得返4人,但李光洙所屬公司表示,李光洙正考慮留低定離開,暫時未有決定,不過離季尾仲有10幾日,相信好快就會有答覆;不過呢點都未算爆,因為更爆嘅係,原來已確認退出嘅智孝同鐘國竟然係唔知情,兩個都係單方面被被通知!

▲3位元老級成員都離開《RM》。

據南韓媒體指,電視台相關人士爆料,製作組早喺兩星期前提出節目改版,但6位固定成員去留仍未有定案,去到日前(12日),金鐘國接到「下車」通知,智孝更加係睇到報道後先知自己「被退出」,嘩,乜做法咁似鄰國嘅?

▲鐘國嘅公司表示,鐘國3年前已有打算離開,但因為喜歡節目先至會繼續參演至今。

金鐘國所屬公司Maroon娛樂證實消息,表示非常可惜,又提到鐘國嘅身體狀況,眾所周知,能力者患有脊椎側彎,佢亦公開過自己X光照片,睇到脊椎真係彎咗,為咗身體所以先至會不斷鍛鍊身體。

▲智孝深受歡迎,係《RM》嘅收視保證。

至於智孝方面,所屬公司My Company亦承認消息屬實。

本來作為演員就有應該要走的路,也曾經苦惱過應否下車,亦有考慮是否應該在節目改版之際,自然而然地退出。不過在決定是否離開節目時,製作組的確與我方溝通不足。雖然覺得很遺憾,但會尊重並接受製作組的決定。

▲光洙喺節目經常做下把位,幸而深得觀眾歡迎。

兩位退出已成事實,留低嘅四位當中,最年輕嘅光洙,其去留亦受關注,李光洙所屬公司King Kong娛樂方面表示:

下車還是留下,暫時未有決定,正與製作組商議中。

▲HaHa(右)同劉在鍚(右)都會留喺《RM》。

「國民MC」劉在鍚如無意外會繼續留低,HaHa亦表示不願離開節目,「王鼻子」池錫鎮則未有表態,但相信留低機會甚大。雖然有消息指《RM》將會加入新成員,但舊有班底陪伴粉絲咁多年,走過高山低谷,絕對有好深感情,要接受新嘅組合相信唔係咁容易,睇嚟《RM》今次改版,將會成為節目一大轉捩點。


#RM#running#李光洙#宋智孝#金鐘國#劉在錫#gary#HAHA#池石鎮#e分鐘
相關文章
處男拍片勁冧Carman 林作加咀戲刺激麥明詩
傷心!智孝金鍾國都走 重溫《RM》三大搞笑片
說好的7012呢? 智孝、鐘國確認退出《RM》
手機電筒化作星海 Sunny喊住獻唱悼念已故經理人
成軍十年演唱會 SM感激歌迷:係你哋陪我行落去
推介文章
開心快活人
劉華墮馬盆骨重創 朱麗倩緊張爆喊
【密密食小隊】 足料爆餡大水餃 兩小時刺身火鍋放題
愛老婆會發達
【跟住爸爸去福島】下世要做豬
獨家 王菲霆鋒秘密愛巢曝光
殺出個未來 朱咪咪
唐詩詠痴心錯付 洪永城冧理財女神10年
用愛關懷流浪動物 以暫養為貓狗建立溫暖家庭
有愛就有幸福 四隻開心貓咪的故事
最新郵輪海上zip line 飛越汪洋
台北私家露天溫泉 浸獨家原湯
按此閱讀臉書精彩內容

熱爆e+up


載入中…