林昇湋、趙展彤大個喇! 網民:轉變真係好大

Mon Mar 20 2017 20:24:40 GMT+0800 (中國標準時間)

撰文︰Take it e時

正所謂「仔/女大十八變」,以前細細個嘅樣會隨住年紀而轉變,昔日一臉稚氣都可以變成型棍帥氣、女孩子亦可以靠化妝而變得更靚,可能依家睇返都唔會認得以前嘅自己,咁唔知你又認唔認佢兩個呢?講緊嘅,係巨聲幫嘅林昇湋同趙展彤呀!係咪覺得呢兩個名好熟呢?佢哋兩個分別參加當年無綫嘅歌唱比賽《超級巨聲》,趙展彤係第一屆,而林昇湋則第二屆嘅參賽者,但大家同屬自己嗰屆最年輕嘅參賽者,最近網民搵返佢兩個出嚟,話依家佢哋大個晒唔同晒樣㖭。

▲當年林昇湋已俾評判話唔應該過份揀大人歌。

先講下林昇湋先喇,當年觀眾對佢最深刻肯定係唱學友嘅《餓狼傳說》,不過模仿大人嘅唱腔,配上小朋友嘅跳步,令成件事變得好怪,就好似佢身上着住「X」咁錯晒,唔只評判反叫佢不如努力讀書,連主持人森美都笑到反肚。

▲大個仔唔同晒。

8年後,林昇湋已經20歲仔,依家讀緊UST讀BBA,仲上埋莊㖭。至於音樂方面,與林昇湋相熟嘅網友表示,佢依然繼續喺音樂事業發展,至於發展成點就真係唔知喇,不過家下林昇湋冇咗以前嘅baby face,多咗一份成熟,相信都吸引唔少女仔。

▲當年嘅趙展彤經常收到負評。

至於趙展彤,絕對係當年《超級巨聲》嘅焦點,但負面評價較多,指佢12歲就成日化妝,意圖掩飾自己太稚嫩嘅外貌;又有報導指態度囂張,當正自己係歌手,結果去到比賽中途被評判一句:「不如努力讀書」而踢出局。

▲真係女大18變。

不過,趙展彤嘅音樂發展比林昇湋好,擔任過《夢夢Online》代言人,而且前年亦登陸大陸歌唱節目《中國好聲音4》,不過第一圈就被淘汰。依家趙展彤已經唔同晒樣,真係女大18變,有網民仲話佢某啲角度幾似楊冪㖭。其實趙展彤依家不時出席活動同首映禮,近期更參演電影《一夜再成名》,睇嚟趙展彤決心要繼續喺娛樂圈創一片天!

圖片來源:lihkg、valentina_cct

#趙展彤#林昇湋#超級巨聲#12歲#20歲#變化#長大#e分鐘

相關文章
吳業坤 艱苦過後有艇搭
20歲中大生急需換心續命 女友:請讓他再次有健康的心跳
力證冇整容? 張曦雯上載童年「餅印」相
今日限定! Happy Pie Day
免費送最潮商場、品牌利是封

推介文章
相隔多年再合作 黃浩然扮摑千嬅玩到癲
【Wee Chat 第一集】少年偶像係岳少大劉 黃浩:又多錢又多女
天天海南雞的秘密 80蚊食海南雞
【最POP本地頒獎典禮】Supper Moment得獎好開心 彭秀慧:想做就去做
【薯片風波】被鬧自以為天王巨星 袁偉豪都捱過:最壞打算做搬運工人
布吉名牌度假村 最新瀑布泳池呃like
布吉最新森林resort 做個原始林中仙子
布吉做艇主 無人沙灘去野餐
去Taste of Hong Kong 有乜好食?
【上瞓下痾】畸形設計月租$4,800 網民:瞓M記好過
有傳無綫再拍《美女廚房》 回顧地獄廚神吳雨霏、G.E.M. 點騎呢
馬是如何運來的?
按此閱讀臉書精彩內容

熱爆e+up


載入中…
x