楊怡羅仲謙擺洒 嘉賓勁過台慶

Mon Oct 03 2016 00:12:41 GMT+0800 (HKT)

▲楊怡和羅仲謙擺酒結婚,羅太接受訪時感動落淚。

撰文︰e+娛樂

恭喜!恭喜!羅仲謙和楊怡在Ritz-Carlton酒店擺酒結婚,兄弟團有王浩信、豹哥單立文、吳卓羲、馬國明等,姊妹團有楊卓娜、康華、張美妮、唐詩詠等。謙謙一早到酒店接新娘,問他開門利是有幾錢,他說:「我冇數啊,總之就塞滿個利是封,本身諗住要去攞錢,點知又唔使。」謙謙說已開始造人,要兩年抱三,想先生女再生仔,「因為我有個家姐,明白做細佬好幸福,可以同大家講生BB係隨心。(已經不設訪?)係,睇天意。」

到晚上擺酒,嘉賓級數絕對勁過台慶,包括胡杏兒夫婦、林峯、陳豪、佘詩曼、林文龍郭可盈夫婦、葉璇和男友小默等,最驚喜是張繼聰和老婆謝安琪一齊現身,懷孕三個多月的Kay着住對兩吋高踭鞋,由老公全程拖實。

張繼聰說:「之前都做咗產檢,BB好健康,係比正常大咗少少,依家收工就返屋企陪老婆。」至於Kay說自己只是重了幾kg,「預先食肥咗,依家食嘢都好清淡,之前冇乜郁動,好易攰,呢幾個月冇咩運動,依家天氣好啲,可以散下步。」

▲謙謙一早到酒店接新娘,兩人之後甜蜜錫錫。

▲張繼聰和老婆謝安琪一齊現身,懷孕三個多月的Kay着住對兩吋高踭鞋,由老公全程傍實。

▲胡杏兒與老公Philip恩愛到場。

▲林峯都有前來到賀。

▲佘詩曼盛裝出席。


#楊怡#羅仲謙#結婚#擺洒#謝安琪#e+娛樂#熱話

相關文章
咪神陳婉衡似邊個?