《殭》結局玩穿越亂到七彩 網民提出三大疑問

Mon May 16 2016 11:31:24 GMT+0800 (中國標準時間)

撰文︰Take it e時

尋晚無綫重頭劇《殭》大結局,大玩「蟲洞」穿越時空,講謝安琪終(Kay)於記起自己係未來人,仲同陳凱琳返未來拯救世界,而Kay最後亦同鄭嘉穎有情人終成眷屬。不過,由於劇集鋪排得太亂,好多嘢都未清楚交代,搞到啲網民睇到一頭霧水,提出三大疑問!

疑問一:陳凱琳自殺死唔去?

前一集講述陳凱琳設局令Kay受重傷,但後來陳凱琳好內疚,所以自殺。但到結局,Kay同陳山聰打鬥嗰陣,陳凱琳又突然出現。呢刻觀眾先知原來佢自殺死唔去,夠晒驚喜,睇到唔少人O晒嘴。

▲因為妒忌鄭嘉穎同謝安琪相戀,多次陷害家姐謝安琪,令佢內疚到要自殺,不過鏡頭一黑,就唔知佢死咗未啦!

▲Kay惡鬥陳山聰嘅嗰陣,陳凱琳出現幫手,但就冇交代過佢點解冇死。

疑問二:究竟仲有冇殭屍?

大結局講到Kay終於記起自己係未來人,嚟到2015搵殭屍解藥,當佢搵到之後,就返咗去未來。但劇集就冇交代到佢點樣消滅殭屍病毒,同埋究竟佢係咪變返正常人啦。

▲Kay本身係未來人,但不幸染上殭屍病毒去到明朝,先有一連串嘅事件發生。

▲搵到解藥,俾個蟲洞吸返去未來,但究竟之後佢有冇變返正常人?

疑問三:究竟過咗幾多年?

鄭嘉穎係不死人,即係過咗幾耐都唔會死嘅,而Kay同陳凱琳飛返咗去未來,應該去咗2115年,咁係咪即係代表佢哋一返到去,就可以見返一百年後嘅鄭嘉穎?

▲到2115年,佢哋三個人相遇,但網民就唔多明個時序!

▲網民疑惑鄭嘉穎到底點樣去2115年,話劇集交代得好唔清楚。其他網民就用自己見解去解釋,話係鄭嘉穎等咗一百年,先見返佢哋兩姊妹。

套劇好多嘢都冇交代到,搞到啲網民睇到一頭霧水。唔通無綫有後着,想整個續集出嚟?

圖片來源:《殭》截圖

#殭#結局#玩穿越#好亂#死唔去#網民#一頭霧水#TakeItE時#熱話

相關文章
蔣嘉瑩無綫驚喜獻唱 《我和殭屍有個約會II》主題曲版本重溫
《救殭清道夫》再掀熱潮? 港產殭屍片嚇足三十年
《巨輪II》演技吸負評 陳凱琳:有冇進步先重要
超級無敵估歌仔 陸永大女愛唱《殭》
陳凱琳迫溫哥華擺酒 鄭嘉穎狂呻唔想結

推介文章
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
我們的時光 Twins
狠飛太極Ricky 戴夢夢澳門攬佬
舌戰7女星談情說性 黃浩被阿嬌KO
一個人  湯寶如
按此閱讀臉書精彩內容

熱爆e+up


載入中…
x