求婚唔使買鑽戒 新疆男用「隕石」贏得美人歸

Thu Mar 16 2017 19:52:36 GMT+0800 (中國標準時間)

撰文︰Take it e時

雖然張家輝喺《千王之王》入面講過:「無論鑽石與黃金,唔及我一片真誠與真心。」但女人始終係要𠱁,更何況求婚時點可以冇鑽戒?所以套用另一句說法係:「愛得有幾深,買粒鑽石至均真!」不過最近有位新疆男用行動話俾大家聽,求婚唔一定要用鑽戒,用其他都得。咁係咩?佢會答你:「隕石」!

▲喺大陸連隕石都買到。

你冇聽錯,真係「隕石」。真係得罪講句,大陸有咩嘢冇得買?如太空以外嘅隕石都可以買到,真定假就唔知,但呢位新疆男就用咗$100萬人仔買咗33噸「隕石」同愛人求婚。

▲個男人都幾上心呀。

據報道指,兩人4年前相識,舊年去新疆喀什旅遊時,曾參觀當地人收藏嘅隕石。當時女友已經好鍾意隕石,正因為女友一句,呢位新疆男決定買呢舊「隕石」同女友求婚。但女友冇估到對方會以咁嘅形式同自己求婚,更估唔到只係隨口講一句,對方竟然會記得,因為男人咁認真同上心,結果女友喺眾人面前高呼:「我願意」,幾十人連同隕石一同見證新疆男求婚成功!

▲有網民認為係一場show。

事後有人訪問呢位新疆男,佢表示呢個做法係「象徵著我們的愛情牢固和長久」。佢又指係受熱播嘅大陸劇「三生三世十里桃花」啟發,劇中有一種從天而降嘅「三生石」,寓意「前生、今生、來生」,並掌管天下姻緣,而女友又好鍾意睇呢套劇,加加埋埋咁多原因咪造成呢場「隕石求婚」囉。Btw,粒隕石可以擺喺邊呀?唔好答我擺喺心度呀!


#隕石#結婚#求婚#鑽戒#新疆#e分鐘#熱話

相關文章
放閃慶祝12周年 田蕊妮:結婚係接受彼此嘅不完美
結婚唔一定擺酒? 80、90後新人鍾情「慳錢派對」
測中城城娶方媛 批下一個輪到黎明
回應城嫂Moka有孕傳聞 經理人小美:冇問過佢
向經典致敬? 洪永城傅嘉莉坐住氣球「升天」

推介文章
我們的時光 Twins
狠飛太極Ricky 戴夢夢澳門攬佬
舌戰7女星談情說性 黃浩被阿嬌KO
一個人  湯寶如
玩交友App識男仔 麥明詩約俊男high tea
翻新暫別街坊六星期 公和荳品:凡事向好方面看
洗米華大仔周柏豪:同爸爸溝通唔係太多
《警訊》被插拍得浮誇 堅哥反擊:咁係咪佢自己好醒呀?
陳自瑤怨老公少返屋企瞓 王浩信婚姻現暗湧
【挑辣星極辣挑戰賽】到底辣王辣后誰屬?
【挑辣星極辣挑戰賽】星級參賽者鬥食辣Laksa辣魚蛋
宣萱 有要求的人
按此閱讀臉書精彩內容

熱爆e+up


載入中…
x