波多野結衣陪你飲酒 人中之龍極中文版一game兩玩

Mon Jan 25 2016 19:55:45 GMT+0800 (中國標準時間)

▲亞姨原來唔多滿意遊戲入面自己個樣,話肥咗少少喎。

撰文:周群雄

《人中之龍》呢款遊戲已經推出咗十年,當初憑住超像真「新宿」遊戲世界同埋日本黑幫文化,吸引到唔少人玩,之後亦推出咗一系列遊戲同外傳。最近推出嘅《人中之龍 極》,其實係復刻番系列嘅第一集故事,遊戲畫面大幅提升,同埋加入咗好多以往被刪除嘅情節,而且今次remake版內仲有暗黑版「林志玲」波多野結衣陪你飲酒,無玩過第一集,真係值得試玩一下,因為有齊中文字幕,而且仲有第六集嘅試玩版添。

▲達哥呢張自拍相應該葡萄死人。

重點係陪酒

如果未玩過《人中之龍》,可能唔知呢隻遊戲玩乜。呢隻遊戲其實係一隻動作冒險遊戲,玩家要控制主角桐生一馬,喺一個虛構嘅城市──神室町入面冒險,用黑幫嘅手段解決問題,同埋解開謎少女「遙」嘅身世。除咗打打殺殺之外,隻game嘅自由度都好高,可以隨便去練武同埋入唔同店鋪玩mini game,應該幾啱大帽山「自由港」女神玩。當中仲可以去夜店同陪酒女郎調情,以往遊戲會將日本AV女優變成遊戲內嘅女陪酒員,今次亦唔例外,仲係大家熟悉嘅波多野結衣添,但今次亞姨只係做配音工作,佢仲話喺同香港打機達人達哥試玩嗰陣,發現遊戲角色嘅個性完全唔似佢真人,所以喺隻game入面冧到亞姨,千祈唔好當真先好。

▲名越總監(右)嘅造型其實好似放入呢隻game入面,但佢就話未來都無打算變成遊戲人物。

打出日本

除咗亞姨呢個賣點,今次遊戲仲送多隻預計年尾推出嘅《人中之龍6》嘅試玩版,賣點係北野武都會飾演其中一個角色。發布會當日就問將來會唔會加入VR玩法,又或者將黑幫故事移出日本,同其他國家黑幫角力,不過,總監督名越稔洋就梗係唔會覆實,乜都話有可能啦。


#PS4#SEGA#人中之龍極#人中之龍#波多野結衣#科技

相關文章
Xbox One S網上曝光 薄切四成望落slim得多
延期一年終於推出 洛克人之父新作下月上市
遙距喪玩 PS4《UNCHARTED 4:A Thief’s End》
《FF XV》9月30日推出 試玩版即日搶先下載
Sony PS VR震撼低價 $3,000一套十月有得玩

推介文章
最叻星二代 倫子譚曉風攬女示眾
活在當下 曹永廉
買靜安區5千萬豪宅 城城跟妻女移居上海
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
我們的時光 Twins
按此閱讀臉書精彩內容

熱爆e+up


載入中…
x