演警察演足11年 吳卓羲由學警升做拆彈專家

Mon Aug 15 2016 16:58:16 GMT+0800 (中國標準時間)

撰文︰Take it e時

藝人選擇拍劇為職業,就係享受做唔同角色嘅樂趣,但唔少藝人因為做某啲角色類型入型入格,往後演出幾乎做返同類型嘅角色。最近網民翻查紀錄,發現已經離開無綫嘅吳卓羲,呢10年嚟做過無數警察角色,小至學警,大至警司,名副其實「10年警察晉升之路」。

▲真係做足咁耐㗎!

2005年4月 - 2005年10月: 警察訓練學校 學警UI 66336 (學警雄心)

11年前,仲係上緊位嘅吳卓羲同陳鍵鋒孖兄弟合作《學警雄心》,吳卓羲憑鍾立文一角奠定往後警察之路。

▲又係幾有警察FEEL嘅。

2005年11月 - 2009年2月: 油麻地軍裝巡邏小隊 (學警出更)

嚟到《學警》系列第二輯,就緊係要升一升職,當時吳卓羲飾演嘅鍾立文已經成為警察,之後仲入埋入PTU受訓!

▲每集升啲啦。

2009年2月 - 2011年3月: 特別職務隊/臥底/調查科警長(學警狙擊)

《學警狙擊》係《學警》系列第三輯,呢輯可謂三輯之中最受觀眾賞識嘅一集,成功令謝天華飾演嘅Laughing Gor彈起,吳卓羲更進一步接受更危險嘅任務,假扮臥底潛入犯罪集團,最後升為調查科警長!

▲做半紅不黑嘅臥底。

2011年4月 - 2011年9月: 重案組/警民關係組警察學校聯絡主任(點解阿SIR係阿SIR)

《學警》系列完咗,唔代表吳卓羲嘅警察生涯結束,喺《點解阿SIR係阿SIR》入面,佢飾演重案組督察,其後入學校查案,成為警民關係組警察學校聯絡主任。

▲成熟咗穩重咗,連地位都重要咗。

2011年10月 - 2014年2月: 西九龍重案組警長(SGT63251) (法證先鋒)

查完案後嘅吳卓羲喺《法證先鋒》入面飾演西九龍重案組警長,同下屬、任職高級督察嘅徐子珊有感情線。

▲吳卓羲同徐子珊算係其中一對螢幕情侶。

2014年3月 - 2014年6月: 特別任務連行動組督察

3年後,吳卓羲喺《叛逃》榮升做行動組督察,仲搵返失散嘅大佬陳展鵬!

▲查案查到搵返失散親人。

2014年7月 - 2016年5月: 重案組高級督察(忠奸人)

喺《中間人》入面,吳卓羲重操固技,出任臥底調查杜以鏗(李子雄)及高哲行(郭晉安)犯罪證據。

▲去到呢個地步,吳卓羲已經唔係當初學警入面嗰位衝動少年。

2016年6月 - 現在: 爆炸品處理課 (電影拆彈專家)

離開無綫後,吳卓羲嘅察員之路仍然繼續,喺新戲《拆彈專家》任職爆炸品處理課。

▲轉戰大銀幕都離唔開呢個警察框框。

▲唔扮型男扮毒男都入型入格。

當然,警員之路只係吳卓羲演藝生涯其中一部份,有時都做下機師、賽車手、普通市民、電車男等等,但最深入民心始終係做警察囉!

資料來源:高登討論區

#吳卓羲#學警#反恐#督察#拆彈專家#警長#重案#演員#TakeItE時#熱話

相關文章
e衫評 欣宜凸腩 何雁詩錯晒
蔡瀚億、姜皓文、吳卓羲 代劉德華「還債」好蝦碌
e衫評 朱晨麗梁詠琪襯色一絕
e衫評 蒙嘉慧平凡美 楊怡揀錯衫
緋聞多過拍劇 細數傅嘉莉姣爆情史

推介文章
【挑辣星極辣挑戰賽】星級參賽者鬥食辣Laksa辣魚蛋
宣萱 有要求的人
豪宅同居年半 譚凱琪有米男友求婚成功
當張繼聰係菩薩 Bob:抵佢溝到謝安琪
唐詩詠狠斬2年情 踢洪永城7宗罪
專屬情人 林文龍
撬林耀聲牆腳 方力申暗溝張沛樂
科技融入生活 體驗空間美學
同時溝兩港男 陳展鵬新女友雜食
楊明 把握時機
1O1O呈獻:星星美食旅客 -東京中華料理之最高
聯名買將軍澳樓 蕭正楠黃翠如同居試婚
按此閱讀臉書精彩內容

熱爆e+up


載入中…
x