漠視心臟病人求救? 目擊者:門外乘客照排隊等上車

Tue Apr 11 2017 16:18:50 GMT+0800 (中國標準時間)

撰文︰Take it e時

經常出現事故嘅港鐵尋日兩度「跪低」,其中一次更喺收工時段先出事,九龍東「癱瘓」幾近兩個半鐘,逾十萬人受影響。據知係觀塘線架空電纜疑鬆脫,列車因電力故障無法行駛,車廂頓時漆黑一片,加上天氣炎熱、車廂又擠迫,乘客幾乎焗到透唔到氣。有乘客事後喺社交網站憶述當時車廂停電一刻嘅混亂情況,更指當時有人焗到心臟發,但無奈車外嘅人竟然坐視不理,當重新通車時時,外邊乘客更唔理逃生嘅乘客,一窩蜂湧入車廂。

▲有乘客憶述當時情況,形容得栩栩如生。

乘客憶述當時車廂停電一刻,突然見到「窗外一道火光」,隨即全車急刹,「大部分嘅燈都熄囇」。事主形容廂漆黑一片,驚呼聲不斷,「期間不斷有人拉緊急制」,但車長並冇任何廣播發生咩事。後嚟列車慢慢埋站,但無法開門,事主表示當時喺車廂焗足10-15分鐘,如同「焗豬咁焗」,更可怕係期間有乘客心臟病發。但無奈車外嘅人竟然坐視不理,「門外的乘客依然靠兩邊排隊等上車,職員依然拎住walkie等order,城裹城外反差極大。」結果幾個男乘客徒手掹開車門將心臟病人送出去。

依家有心臟病人呀,暈低咗,你哋都唔諗方法開門?

▲從相中得知,當時情況會有幾可怕。

直到後來通車,有返燈光同冷氣,車門亦打開,車裡嘅人立刻逃命落車,但同時外面排隊嘅乘客亦同時湧上車。

他們期待著列車會如常駛向樂富!

▲大事發生,總會睇到人性。

網民形容成件事好有畫面,精彩絕倫,以為係短篇小說,但同時又感嘆呢種「怕蝕底」心態係香港人劣根,唔明點解可以不顧他人感受,只顧自己利益,見到有人求救都唔理。不過有網民反指,車廂太黑可能睇唔到。

來源:luke kan、香港突發事故報料區

#港鐵#事故#心臟病#乘客#無視#求救#圍城#城裡#城外#e分鐘

相關文章
衝門阻閂閘賴死唔走? 港鐵阿叔:你落車行路吖!
港鐵搵位冇難度 霸氣阿伯獨特「趕客」神技
「怒打」港鐵詢問處 燥客:你盲㗎唔聽我講?
難借力勒到手痛? 港鐵新軟膠扶手吊環吸負評
港鐵呼籲搭車放低背囊 市民:人多又逼點放?

推介文章
最叻星二代 倫子譚曉風攬女示眾
活在當下 曹永廉
買靜安區5千萬豪宅 城城跟妻女移居上海
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
我們的時光 Twins
按此閱讀臉書精彩內容

熱爆e+up


載入中…
x